Sharaına
Seısenbi, 13 qarasha 2012 7:55
Qarýly kúsh qoldanbaq nıette
Sırııa revolıýsııasy kúshteriniń ulttyq koalısııasy el prezıdenti BasharAsadpen kelissózge barýdan bas tartyp, ony qarýly kúsh qoldanýarqyly ornynan taıdyrmaq nıette.
Seısenbi, 13 qarasha 2012 7:55
Qarýly kúsh qoldanbaq nıette
Sırııa revolıýsııasy kúshteriniń ulttyq koalısııasy el prezıdenti BasharAsadpen kelissózge barýdan bas tartyp, ony qarýly kúsh qoldanýarqyly ornynan taıdyrmaq nıette.
Jańa koalısııa týraly qabyldanǵan deklarasııada Asad rejimin qulatý jáne onymen qandaı da bir únqatysýǵa barýdan bas tartý birinshi másele retinde kórsetilgen, dep málimdegen Sırııa ulttyq keńesiniń ókili Mahmýd ál-Hamza. Sırııa ulttyq koalısııasy Bashar Asadqa qarsy áskerı is-qımyldardy úılestirip, ereýilshiler qol astyndaǵy óńirlerge basshylyq jasamaq nıette. Aıta ketý kerek, ulttyq koalısııa quramyna saıası emıgrasııada júrgen jáne Sırııada kúres júrgizip jatqan 60 adam engen.
Bı-bı-sı basshylyǵy otstavkaǵa ketti
Bı-bı-sı jańalyqtar qyzmetiniń dırektory Helen Boýden men onyń orynbasary Stıv Mıtchell otstavkaǵa ketti.
Bı-bı-sı basshylyǵy bul otstavkalar týraly túsinik bergen joq, biraq taıaý ýaqyttarda ol týraly málimdeme jasalady dep kútilýde. Jańalyqtar qyzmeti dıreksııasyndaǵy otstavka korporasııa bas dırektorynyń jumystan ketetindigi týraly málimdemesinen keıin oryn alyp otyr. Al Bı-bı-sıdiń bas dırektory Djordj Entýısl efırge Newsnight baǵdarlamasynyń kezekti shyǵarylymynan soń týyndaǵan janjalǵa baılanysty otstavkaǵa ketken bolatyn.
Mereke sońy qaqtyǵystarǵa ulasty
Oryn alǵan qaqtyǵystar saldarynan birneshe ofıser jaralanyp, kóptegen ereýilshiler qamaýǵa alyndy, dep habarlady VVS polshalyq BAQ-tarǵa silteme jasaı otyryp.
Qaqtyǵystardyń aldyn alý úshin Varshavada ultshyldar marsh ótkizgen aýdanǵa myńdaǵan polıseıler ákelingen. Táýelsizdik kúnin merekeleý kezindegi kóshede jınalǵan ultshyldar sany ósý ústinde jáne olarǵa solshyl kúshter qarsy turýda. Marshqa qatysýshylardyń arasynda polshalyq patrıottar, fýtbol fanattary jáne túrli ultshyl toptar bolǵan. Polshada ótken jyly da osyndaı jaǵdaı oryn alyp, onda tártip buzǵan 200-den astam adam qamaýǵa alynǵan bolatyn.
AQSh koalısııany qoldaıdy
AQSh-tyń memlekettik departamenti jeksenbi kúni Katarda qurylǵan oppozısııashyl Sırııa ulttyq koalısııasyn qoldaıtynyn málimdedi.
Atalǵan vedomstvo ókili Mark Toner óz sózinde osylaı dep atap kórsetken. Onyń aıtýynsha, AQSh oppozısıonerlerdi quttyqtaıdy, sonymen birge koalısııaǵa qoldaý bildiredi, óıtkeni olardyń maqsaty Bashar Asad rejimin qulatyp, beıbit, ádil, demokratııalyq bolashaq ornatý bolyp tabylady. Jańadan qurylǵan organ Sırııanyń úkimettiń áskerlerine qarsy áskerı is-qımyldardy úılestirip otyratyn bolady.
London iri qarjy ortalyǵy ataǵynan aıyrylmaq
Eńbek rynogyndaǵy jaǵdaıdyń nasharlaýyna baılanysty Londonnyń 2012 jyly álemniń eń iri qarjy ortalyǵy ataǵynan aıyrylýy múmkin.
Sarapshylardyń baǵalaýynsha, 2012 jyly London birinshi oryndy Nıý-Iorkke berip, 2015 jylǵa qaraı Gonkongty aldyna shyǵarý arqyly Brıtan astanasy úshinshi orynǵa deıin tómendeıtin bolady. Ústimizdegi jyly Londonnyń qarjy sektoryndaǵy jumys oryndary 249,5 myńǵa deıin azaımaq, al Nıý-Iorkte osy jyldyń aıaǵynda qarjygerler sany 254,2 myńdy quraıtyn bolady. Bul kórsetkishtiń qysqarýynan eń aldymen salyq tóleýshiler zardap shegedi eken. Máselen, 2008 jyly Londonnyń qarjy sektoryna quıylǵan qarjylyq túsimder 70 mlrd. fýnttan assa, bıyl ol shamamen 40 mlrd. fýnttaı ǵana bolmaq.
Depýtattyq mandattardan bas tartpaq
Ýkraınada «Batkıvshına», «ÝDAR» jáne «Svoboda» partııalary depýtattyq mandattardan bas tartamyz dep shý kóterýde.
Mundaı jaǵdaıda el konstıtýsııasyna sáıkes parlament zańsyz bolyp tabylady. Oppozısııadaǵylar ózderiniń is-qımyl josparyn ortalyq saılaý komıssııasy ǵımaraty aldynda ótetin ereýilde habarlamaq. Ortsaılaýkomnyń resmı málimetteri boıynsha, Radaǵa 5 saıası partııa ótken bolatyn. Kútpegen jerden jańa Radanyń quramynda ózderin oppozısııanyń arnaıy maqsattaǵy kúshteri dep ataıtyn ultshyldar da paıda bolǵan. Sóz retinde alǵashqy otyrystyń jeltoqsannyń ortasyna belgilengenin de aıta ketý qajet.
Keıbir alymdardyń kúshin joımaq
Danııa maıly ónimderge salyq salýdan bas tartyp otyr, dep habarlady Frans-Press agenttigi. El bıligi taıaý ýaqyttarda mundaı alymdardyń kúshin joımaq nıette.
Maıly ónimderge salyq salý týraly sheshim 2009 jyly qabyldanǵan bolatyn. Biraq salyq jónindegi mınıstrliktiń aıtýyna qaraǵanda, mundaı alymdar ózin-ózi aqtamaǵan. Danııa maıly taǵamdarǵa salyq engizgen álemdegi birinshi memleket bolyp tabylady. Eldiń densaýlyq saqtaý mınıstrliginiń málimetterinshe, danııalyqtardyń 47 paıyzynyń artyq salmaǵy bolsa, taǵy 13 paıyzy semizdikten zardap shegýde.
Qulaqpen «kórý» qurylǵysyn oılap tapty
Soqyrlar nysandardy estý qabileti arqyly «kórý» tehnıkasyn úırene alady. Izraıl men Fransııanyń halyqaralyq ǵalymdar toby osyndaı qorytyndyǵa kelip otyr.
Týǵannan kórý qabiletinen aıyrylǵan adamdarmen 70 saǵat jattyǵýlar jasaýǵa týra kelgen. Osydan keıin olar nysandardy, sonyń ishinde úıler men kóshelerdi kórýge úırengen. Sonymen birge, eksperımentke qatysqan eriktiler adamdardyń bet qımyldaryn baıqap, sol sııaqty jekelegen áripter men sózderdi oqı alatyn bolǵan.
Internet materıaldary negizinde ázirlendi.
