Sharaǵa bilim jáne ǵylymı mınıstriniń orynbasary Elmıra Sýhanberdıeva, balalardyń quqyqtaryn qorǵaý komıteti tóraǵasynyń orynbasary Erjan Ersaıynov, mınıstrliktegi qosymsha bilim berý respýblıkalyq oqý-ádistemelik ortalyǵynyń dırektory Raısa Sher, jergilikti atqarýshy organdardyń, úkimettik emes uıymdardyń ókilderi men bilim berý jáne tárbıe mekemeleriniń basshylary qatysty.
Otyrysqa qatysýshylar balalar úıi túlekterin ınternattan keıingi beıimdeý júıesin odan ári damytý boıynsha usynymdardy qabyldap, balalar úıin ózgertýdiń jańa tásilderin talqylady.
Balalar úıiniń túlekterin qoldaý, mekemearalyq is-qımyldy kúsheıtý negizinde olardy qoǵamǵa laıyqtap beıimdeý men qosý, jetim balalar men ata-ananyń qaraýynsyz qalǵan balalardy otbasylarǵa ornalastyrý jónindegi memlekettik emes agenttikterdi qurý máselelerine erekshe nazar aýdaryldy.
1 naýryz kúni S.Aıtpaeva áleýmettik «Jastar úıi» mekemesiniń túlekterin beıimdeý jáne qoldaý ortalyǵynda boldy. Munda balalar úıi túlekterin ómir men zamanaýı qoǵamǵa beıimdeý úshin qolaıly jaǵdaı jasalǵan.
S.Aıtpaeva kezdesýge qatysýshylarǵa Prezıdent N.Nazarbaevtyń «Nur Otan» partııasynyń kezekti XVIII sezinde sóılegen sózi týraly aıtyp berdi. Atap aıtqanda, Elbasy aıqyndaǵan áleýmettik salany iske asyrýdyń negizgi úsh baǵytyna toqtaldy. Bul turǵyndardyń áleýmettik az qamtylǵan toptarynyń tabysyn arttyrý jáne olardy qoldaý, tabysy tómen turǵyndardyń turǵyn úı máselelerin sheshý, bilim berý jáne densaýlyq saqtaý salalaryn jaqsartý jáne elimizdiń aımaqtaryn keshendi damytý. S.Aıtpaeva óz sózinde, Memleket basshysy tabysy tómen kópbalaly otbasylarǵa qamqorlyq jasaý jáne erekshe kóńil bólýdi tapsyrǵanyn atap ótti. Ol úshin 29698 teńgeni quraıtyn eń tómengi kúnkóris deńgeıin 70 paıyzǵa deıin arttyrý arqyly ataýly kómek kórsetý kólemin ulǵaıtý máselesi Úkimetke tapsyryldy. Osy oraıda, ataýly kómek alýǵa quqyly kópbalaly otbasylardy qoldaý maqsatynda árbir balaǵa 20789 teńge bolatyn ataýly áleýmettik kómek belgilendi.
Nátıjesinde 2019 jyly ataýly áleýmettik kómek 830 myńnan astam adamǵa kórsetiletin bolady, sonyń ishinde 550 myńǵa jýyǵy balalar bolyp otyr. Múgedek balalary bar otbasylardyń járdemaqysy 30 paıyzǵa artady. Bul shara aıasynda 100 myńnan astam adam qamtylady. Joǵaryda atalǵan sharalardy 2019-2021 jyldary iske asyrý úshin qosymsha 300 mıllıard teńge bólinetin bolady.
