«Búgin saǵat 12:15-te «112» qyzmetine jedel járdem stansasynan «Kóktal-2» turǵyn alabynda Aqmola kóshesindegi úılerdiń birinde turatyn azamattardyń ıis gazynan ýlaný belgilerimen aýrýhanaǵa jatqyzylǵany týraly habarlama kelip túsken bolatyn. Jedel járdemdi saǵat túngi ekide shaqyrǵan áıeldiń aıtýyna qaraǵanda, tútinnen dybys shyǵaratyn arnaıy qurylǵy dabyl qaǵyp, sonyń kómegimen qaıǵyly oqıǵanyń aldyn alý múmkin bolǵan. Uıqysynan oıanǵan úsh balanyń anasy úıdiń ishin jeldetip, uıyqtaýǵa qaıta jatqan eken. Tańerteń ol eki balasyn mektepke jiberip, ózi 2009 jyly týǵan balasymen úıde qalady. Sálden soń ol basynyń aınalǵanyn, júreginiń aınyǵanyn sezgen», – delingen vedomstvonyń habarlamasynda.
Shamamen saǵat 12:00-de jedel járdem brıgadasy áıel men onyń balasyn balalar aýrýhanasyna jetkizdi. Aýrýhanaǵa jatqyzýdyń esh sebebi bolmaǵan soń, dárigerler ony balasymen úıine jibergen. Budan keıin áıel eresekterge arnalǵan aýrýhanaǵa baryp, óz densaýlyǵyn teksergen. Qazirgi tańda ana men bala óz úıinde. Dárigerlerdiń aıtýynsha, olardyń densaýlyǵyna eshqandaı zııan keltirilmegen.
Eske salaıyq, arnaıy datchıkterdi bul úıde Saryarqa aýdany TJ basqarmasynyń mamandary ákimdik qyzmetkerlerimen birlesip aqpan aıynda jeke sektorda júrgizilgen reıd barysynda ornatqan bolatyn.
