Sharaına
Senbi, 10 qarasha 2012 7:02
Asad tek Sırııada óledi
Sırııanyń zańdy prezıdenti Bashar Asad Reseıdiń Russia Todaytelearnasyna suhbat berdi. Bul onyń shilde aıynan bergi alǵashqysuhbaty bolyp tabylady. Ol Otanyn eshqandaı jaǵdaıda da tastapshyqpaıtynyn atap kórsetken.
Senbi, 10 qarasha 2012 7:02
Asad tek Sırııada óledi
Sırııanyń zańdy prezıdenti Bashar Asad Reseıdiń Russia Todaytelearnasyna suhbat berdi. Bul onyń shilde aıynan bergi alǵashqysuhbaty bolyp tabylady. Ol Otanyn eshqandaı jaǵdaıda da tastapshyqpaıtynyn atap kórsetken.
B.Asad: «Men sırııalyqpyn, sondyqtan Sırııada ómir súrýge jáne osynda ólýge tıispin», dep málimdegen. Ol sondaı-aq ózge eldiń Sırııa aýmaǵyna basyp kirgen jaǵdaıynda álem úlken saldarǵa dýshar bolatynyn, munyń árkimge áseri tıetinin kóldeneń tartqan. Sırııa prezıdentiniń pikirinshe, Batys áskerleriniń Sırııaǵa basa-kóktep kirýge batyly jetpeýi tıis.
Irannyń áreketin aıyptady
Pentagon ókili Irannyń AQSh áskerı-áýe kúshteriniń ushqyshsyz ushatynushaǵyna shabýyl jasaǵany týraly málimdedi. Áskerı vedomstvo ókilinińsózine qaraǵanda, Iran ushqyshsyz ushaqty Parsy shyǵanaǵy aýdanyndashabýyldaǵan.
Degenmen, apparat eshqandaı zaqymdanbastan, bazaǵa qaıta oralǵan. Pentagondaǵylardyń sózderine qaraǵanda, ushqyshsyz ushaq josparly baqylaý júrgizý úshin aspanǵa kóterilse, Irannyń áýe keńistigin buzbaǵan jáne halyqaralyq sýlardyń ústinde qalyqtaǵan. Jalpy, sońǵy kezderi AQSh pen Iran arasyndaǵy qarym-qatynas Tehrannyń yqtımal ıadrolyq baǵdarlamasyna baılanysty kúrdeli kúıinde qalyp keledi.
Úshinshi merzimge narazylyq
Argentınada búkil el boıynsha ondaǵan myń adam kóshelerge shyǵyp, isbasyndaǵy prezıdent Krıstına Fernandes de Kırshnerdiń úshinshimerzimge qaıta saılanýyna narazylyq aksııalaryna qatysty. Kırshner óziniń úshinshi merzimge saılanýyn múmkin etý úshin el konstıtýsııasynaózgeris engizý týraly josparlaǵan edi.
Demonstranttan kóshelerge «Demokratııa jasasyn, qaıta saılanýǵa jol bermeımiz», «Korrýpsııaǵa jol joq» jáne «Turaqsyzdyqqa tosqaýyl qoıatyn ýaqyt jetti» degen mazmundaǵy urandar alyp shyqqan. Narazylyq tanytýshylardyń kópshiligi birinshi kezekte prezıdenttiń jeke basy men is basyndaǵy úkimet júrgizip kele jatqan reformalarǵa kóńilderi tolmaıtyndaryn bildirgen.
Qysqa qaıyryp aıtqanda:
Cheshenstannyń astanasy – Groznyı qalasynyń basshylyǵyna IslamQadyrov taǵaıyndaldy. Onyń kandıdatýrasyn basym daýyspendepýtattardyń qalalyq keńesi maquldaǵan. I.Qadyrov Cheshenstanprezıdenti Ramzan Qadyrovtyń týysy bolyp tabylady. Biraq naqtyqandaı jaqyndyǵy barlyǵy beımálim.
Latvııada marıhýanany tutynýdy, saqtaý men kommersııalyq emesmaqsatta ósirýdi qylmys dep sanamaý boıynsha qol jınaý úderisteribastalǵan. Eger bastama kem degende 10 myń adam tarapynan qoldaý tapsa,onda ony Latvııa parlamenti qaraýǵa mindetti bolady. Jeńil esirtkinizańdastyrý usynysynyń avtory Arıs Abele degen bireý kórinedi.
Tuńǵysh ret Interpol basshylyǵyna áıel adam keldi. Rımde ótken Uıymnyń bas assambleıasynda fransııalyq polısııa komıssary Mıreı Balestrazzı Interpoldyń prezıdenti bolyp saılandy. Onyń jasy 58-de. 1975 jyldan beri polısııa komıssary bolyp jumys istep keledi eken.
Úsh kúndik aza tutý jarııalandy
Gvatemala prezıdenti Otto Peres Molına jer silkinisi qurbandyqtaryna baılanysty úsh kún aza tutý jarııalady. Naqtylanǵan málimet boıynsha, dep málimdedi Molına, 7 qarasha kúni bolǵan zilzala saldarynan kóz jumǵandar sany 52 adamǵa jetip otyr.
Gvatemala prezıdenti tabıǵat apatynan qaza tapqandar sany qırandylardy arshý barysynda óse túsýi múmkin degen qaýip bar ekenin bildirdi. Magnıtýdasy 7,4 balldyq jer silkinisi Gvatemala aýmaǵynda jergilikti ýaqyt boıynsha 10 saǵat 35 mınýtta bolǵan edi. Zilzaladan Meksıkamen shekaradaǵy San-Markos qalasy basym zardap shekti. Ondaǵan ǵımarattar qırady.
Daýyl shyǵyndary surapyl
Nıý-Iork basshylyǵy «Sendı» daýylynan kelgen ekonomıkalyq shyǵyndy eseptep shyǵardy. Shtat gýbernatory Endrıý Kýomonyń sózine qaraǵanda, Nıý-Iorkke kelgen shyǵynnyń ózi 33 mıllıard dollardy quraıdy. Tutastaı alǵanda, AQSh-tyń shyǵys jaǵalaýlaryna 50 mıllıard dollardyń zardaby kelgen.
33 mıllıard dollar Nıý-Iork úshin óte orasan soma, ásirese, bıýdjettiń kóptegen mıllıardtyq tapshylyǵyn eskere kelgende, dep atap ótti Kýomo. Qazirgi kezde Nıý-Iork pen Nıý-Djersıdegi úılerin joǵaltqan adamdarǵa ýaqytsha turý úshin treılerler berýge ýáde etilipti. Bul ispen búginde Tótenshe jaǵdaılardy basqarý jónindegi federaldyq agenttik aınalysyp jatsa kerek.
30 tonna kokaınmen ustaldy
Venesýelada 30 tonna kokaın kontrabandasymen aınalysty degen kúdikpen Horhe Mılton Sıfýentes Vılıa degen bireý qamaýǵa alyndy. Amerıka bıligi osy adamǵa Meksıka arqyly AQSh-qa esirtki alyp ótýdi qarjylandyrdy jáne esirtki kontrabandasyn uıymdastyrdy degen aıyp taǵyp otyr.
Sóıtip, AQSh tarapy Sıfýentes Vılıanyń ózderine berilýin talap etpek. AQSh polısııasynyń derekterine qaraǵanda, atalǵan kolýmbııalyq azamat Qurama Shtattarmen qatar, Kolýmbııa, Ekvador, Panama, Meksıka jáne Ispanııa aýmaqtarynda is-qımyl tanytqan qylmystyq topqa jetekshilik etken kórinedi. Sóz reti kelgende, buǵan deıin AQSh Vılıanyń qaı jerde júrgenin kórsetkenge 5 mıllıon dollar berýge ýáde etkenin aıta keteıik.
Internet materıaldary negizinde ázirlendi.
