Aýyl sharýashylyǵy óndirýshileri VTB-da «Agrobıznes» baǵdarlamasy aıasynda jyldyq 6,8% syıaqy mólsherlemesimen jeńildetilgen kredıt resimdeı alady. «Agrobıznes» baǵdarlamasynyń sharttarymen aýyl sharýashylyǵynyń basym baǵyttary belgilengen. Olardyń ishinde: sút óndirisi, qus sharýashylyǵy jáne shoshqa sharýashylyǵy, ósimdik sharýashylyǵy (kókónister men jemister), sondaı-aq et, balyq jáne qaıta óńdeý boıynsha jobalar bar. Atalǵan baǵyttar boıynsha kásipkerler negizgi quraldardy satyp alý úshin, onyń ishinde obektilerdi jańǵyrtýǵa, sondaı-aq qurylys-montaj jumystaryna jáne aınalym qarajatyn tolyqtyrýǵa qarjy alýlaryna bolady.
Bıyl «Aýyl sharýashylyǵyn qarjylaı qoldaý qory» shaǵyn nesıege shamamen 27 mlrd teńge bóledi. Byltyr qor bul maqsatqa 19 mlrd teńgeden astam qarajat jumsaǵan bolatyn. Endi Elbasynyń shaǵyn nesıeni arttyrýǵa baǵyttalǵan bastamasynan keıin bólinetin qarjynyń kólemi ulǵaıdy. Jyldyq ústemaqysy 6 paıyz bolatyn jeńildetilgen nesıe óz isin endi bastaımyn dep otyrǵan kásipkerlerge de beriledi. Nesıeniń shekti mólsheri bıyl 19 mln teńgeden asady.
Osyndaı qoldaýdyń arqasynda byltyr 2 myń 300-den astam jańa jumys orny qurylǵan bolatyn.
Gúlbarshyn SABAEVA,
«Eqemen Qazaqstan»
ALMATY
