Ýnıversıtettiń Baspasóz qyzmetiniń derekteri boıynsha, semınar joǵarǵy bilim berýdi Microsoft 365 bazasyndaǵy zamanaýı onlaın-synyptardy qurýǵa negizdelgen onlaın-oqytýǵa ózgertý máselelerine arnaldy. Baıandamashylar analıtıkaǵa arnalǵan Microsoft Power BI & AI qýatty quraly kómegimen oqytýshylar men stýdentter arasyndaǵy tıimdi ózara yqpaldastyq, sertıfıkattaý, oqytý sapasyn jaqsartý úshin jasandy ıntellektini qoldaný máselelerine arnaldy.
Semınar sońynda ýnıversıtet rektory Eskendir Beısembetov «Microsoft Kazakhstan» bas dırektory Tıbor Koleıakpen kezdesip, qoldanystaǵy jobalardy júzege asyrý máselesine oraı yntymaqtastyq týraly memorandýmyna qol qoıdy.
Ýnıversıtettiń Aqparattyq júıeler departamentiniń jańa dırektory Artem Krýtovtyń aıtýynsha, kóptegen jobalarǵa jan-jaqty qoldaý kórsetip otyrǵan strategııalyq seriktes Microsoft kompanııasynyń 365 platformasyna ótý bilim berý úderisin jańa deńgeıge shyǵarýǵa, ortaq kúsh biriktirýge múmkindik beredi. Bul Qazaqstandaǵy jetekshi tehnıkalyq ýnıversıtet deńgeıinde stýdentterge sapaly bilim berý bolyp tabylady.
Kezdesý kezinde taraptar sıfrlandyrý, sondaı-aq, Qazaqstannyń eń shalǵaı aýdandarynyń eń úzdik halyqaralyq bilimge qol jetkizýine múmkindik jasaıtyn zamanaýı oqytý ádisterin damytý máselelerin talqylady.
Elvıra Serikqyzy,
«Egemen Qazaqstan»
ALMATY
