Qatysýshylar olımpıadada óz bilim deńgeıin dáleldeı otyryp, 300 grant pen jeńildiktiń birin utyp alý úshin synǵa tústi. Aıta ketken jón, bul olımpıada - jastar jyly aıasynda bilim izdegen jas talapkerlerge ýnıversıtet tarapynan usynylyp otyrǵan taptyrmas múmkindik.
Bıylǵy olımpıada besinshi jyl ótkizilip otyrǵandyqtan aýqymyn da biraz keńeıtip, respýblıka aýmaǵyndaǵy iri qalalar men shalǵaı aýdandardy da qamtydy. SPT olımpıadasyna qatysýǵa jalpy sany 11160 oqýshy ótinish bildirgen. Onyń 10535-i emtıxanǵa qatysýǵa ruqsat alyp, 619-y onlaın tirkelý barysynda olımpıada sharttaryna qujattary saı kelmegeni úshin emtıhanǵa jiberilmegen bolatyn. Uıymdastyrýshylar keltirip otyrǵan statıstıkaǵa sáıkes, olımpıadaǵa qatysýǵa qulshynysy joǵary qalalardyń ishinde Almaty (2170 oqýshy) kósh bastap tur. Sondaı-aq, Shymkentten 1243, Qyzylordadan 847, Astanadan 791 jáne Aqtaý qalasynan 752 talapker qatysqan eken. Arnaıy belgilengen 22 test ortalyǵyna jınalǵan talapkerler Fızıka, Geografııa, Hımııa-Bıologııa, Aǵylshyn tili, Ádebıet, Tarıh pánderinen test tapsyrdy.
SDÝ ýnıversıtetiniń kampýsy Almaty qalasy úshin Qazaqstan boıynsha eń úlken SPT test ortalyǵy retinde belgilenip, munda test tapsyrýǵa kelgen 2170 talapker jáne 300-den astam ata-ana balalaryn qoldaýǵa jınaldy. SDÝ tarapynan rektor, dekandar men SDÝ professorlarynyń qatysýymen ata-analar men olımpıada qatysýshylaryna mamandyq tańdaý, fakýlttermen tanysý, bas sarapshylardan kásibı keńes alý, ýnıversıtet kampýsy boıynsha ekskýrsııa, sheberlik saǵattary men shet tilderin úırený boıynsha is-sharalar men mádenı oıyn-saýyq baǵdarlamasy usynyldy.
Qatysýshylardyń nátıjesi 10 naýryzdan keıin ýnıversıtettiń resmı saıtynda jarııalanatyn bolady. Jeńimpazdar 4 oqý jylyna jaramdy granttarmen jáne jeńildik sertıfıkattarymen marapattalady. SPT olımpıadasynyń sertıfıkatyn paıdalaný úshin talapker UBT-dan nebári 50 upaı jınaýy jetkilikti bolyp tabylady.
