Osy arqyly «Qazaqstannyń kıberqalqany» tujyrymdamasyn júzege asyrýǵa taǵy bir qadam jasaldy.
Jıyn barysynda sóz alǵan «Ulttyq aqparattyq tehnologııalar» kompanııasy Basqarma tóraǵasy Áset Turysov «jedel ortalyq qurý eldiń ulttyq sıfrlyq keńistiginiń kıberqaýipsizdigin qamtamasyz etýge keshendi tásildi qalyptastyrýǵa yqpal etetin bolady» dep atap ótti.
Endi ortalyq ınternet-resýrstarǵa, aqparattyq júıelerge jáne basqa da aqparattyq tehnologııaǵa qatysty mynadaı fýnksııalaryn oryndaıtyn bolady:
- Aqparattyq qaýipsizdik qaýip-qaterlerin anyqtaý, baǵalaý, boljaý, oqshaýlaý, beıtaraptandyrý jáne aldyn alý;
- Aqparattyq qaýipsizdik qaýip-qaterlerin anyqtaý, jol bermeý jáne tergeý boıynsha aqparattyq qaýipsizdikti qamtamasyz etý monıtorıngi;
- Aqparattyq qaýipsizdik oqıǵalary men jaǵdaılary týraly málimetterdi jınaý, toptastyrý, taldaý jáne saqtaý;
- Aqparattyq qaýipsizdik qamtamasyz etý úshin, menshik ıelerine nemese ıelenýshilerge, onyń ishinde qaýipsizdik qaterleri, baǵdarlamalyq qamtamasyz etýdiń, jabdyqtar men tehnologııalardyń osaldyqtary, qaterlerin iske asyrý tásilderi, oqys oqıǵalarynyń paıda bolý alǵysharttary, sondaı-aq olardyń aldyn alý jáne saldarlaryn joıý ádisteri týraly aqparat berý;
- Aqparattyq qaýipsizdikti ulttyq úılestirý ortalyǵynyń «elektrondyq úkimet» monıtorıng ortalyǵyna Aqparattyq qaýipsizdik oqıǵalaryn jýrnaldaý júıesin qosý.
