Malıǵa qarsy sanksııa engizdi
Sársenbi, 4 sáýir 2012 7:48
Batys Afrıka elderi tóńkeris arqyly bılikke kelgen áskerı hýntadan ókilettikterinen bas tartýdy talap etip, Malıǵa qarsy ekonomıkalyq sanksııa engizdi. Bul jóninde Batys Afrıka memleketteri ekonomıkalyqqaýymdastyǵynyń (BAMEQ) atynan Kot-d’Ivýar prezıdenti AlassanÝattara málimdedi.
Qaýymdastyqqa múshe 15 memleket Malımen shekaralaryn jaýyp, Dakardaǵy Batys Afrıka memleketteriniń Ortalyq bankindegi esep-shotyn qozǵaltpaı tastady. Sonymen qatar, BAMEQ-tyń áskerı kúshteri áskerı daıyndyq jaǵdaıyna keltirildi. Bir aptanyń ishinde Batys Afrıka memleketteriniń basshylary áskerılerdiń qaıda ornalasatynyn sheshýi tıis.
Sársenbi, 4 sáýir 2012 7:48
Batys Afrıka elderi tóńkeris arqyly bılikke kelgen áskerı hýntadan ókilettikterinen bas tartýdy talap etip, Malıǵa qarsy ekonomıkalyq sanksııa engizdi. Bul jóninde Batys Afrıka memleketteri ekonomıkalyqqaýymdastyǵynyń (BAMEQ) atynan Kot-d’Ivýar prezıdenti AlassanÝattara málimdedi.
Qaýymdastyqqa múshe 15 memleket Malımen shekaralaryn jaýyp, Dakardaǵy Batys Afrıka memleketteriniń Ortalyq bankindegi esep-shotyn qozǵaltpaı tastady. Sonymen qatar, BAMEQ-tyń áskerı kúshteri áskerı daıyndyq jaǵdaıyna keltirildi. Bir aptanyń ishinde Batys Afrıka memleketteriniń basshylary áskerılerdiń qaıda ornalasatynyn sheshýi tıis.
Kepilderdiń sońǵy tobyn bosatty
Kolýmbııanyń revolıýsııalyq qarýly kúshteriniń jasaqtary ózderi tutqynda 10 jyldan astam ýaqyt ustaǵan 10 polısııa qyzmetkeri men áskerı qyzmetkerdi bosatty. Bul jerde áńgime jasaqtardyń tutqynynda bolǵankepilderdiń sońǵy toby týraly bolyp otyr.
Sóıtip, 4 áskerı men 6 polıseı Halyqaralyq Qyzyl Krest qyzmetkerlerine berildi. Endi olar Brazılııa usynǵan tikushaqpen Kolýmbııa astanasy – Bogotaǵa jetkiziletin bolady. Atalǵan jasaq Kolýmbııa úkimetimen qarýly kúresin 1960-jyldardyń ortasynda bastaǵan edi. Quramynda 8 myńǵa jýyq adamy bar top terrorlyq uıym tizimine engizilgen.
Qaza tapqandar sany 17-ge jetti
Máskeýdegi Kachalov bazarynda bolǵan órt saldarynan qaza tapqandar sany 17 adamǵa jetti. Aldyn ala málimetterge qaraǵanda, kózjumǵandardyń barlyǵy atalǵan bazarda jumys isteıtin Tájikstanazamattary bolyp tabylady.
Polısııadaǵy derek kózi órttiń shyǵýyna turmystyq jylytqyshtaǵy aqaý sebep boldy degendi kóldeneń tartyp otyr. О́rt tutqynynda qalǵandar negizinen ıistenip ólgen. О́rt sóndirýshiler metaldan jasalǵan turaqqa kirý úshin temir qabyrǵany kesýge májbúr bolǵan. Janý aýmaǵy shamamen 50 sharshy metr jerdi ǵana quraǵan.
Apatqa ushqyshtar aıypty emes
2 sáýir kúni Túmen túbinde UTair áýe kompanııasynyń ATR-72 ushaǵy apatqa ushyraǵan bolatyn. Oqıǵa saldarynan ushaq bortynda bolǵan 43 adamnyń 31-i qaza tapqan edi. Ekıpaj músheleriniń bári de kóz jumǵan-tyn. Búginde 18 máıittiń kimdiki ekendigi anyqtalyp otyr.
Aldyn ala derekterge qaraǵanda, ushaq bıiktik ala bastaǵan sátte baǵytynan solǵa qaraı 150 gradýsqa aýytqyp ketkendikten, jerge qonýǵa áreket jasaǵan. Biraq ushaq sol jaq qanatymen jer súzip, birneshe bólikke bólinip ketken. Tekserý oqıǵaǵa ushaqtaǵy tehnıkalyq aqaý sebep boldy degen nusqany kóldeneń tartady.
О́zbekstan zııankes memleket pe?
Tájikstannyń Reseıdegi elshiligi О́zbekstanǵa qatysty qatań málimdeme jasady. Dıpmıssııanyń málimdeýinshe, ózbek taraby kórshilerine kólik jáne energetıka salalarynda zııankestik jasap, osy arqyly Tájikstandaǵy áleýmettik-ekonomıkalyq ahýaldy turaqsyzdandyrýǵa tyrysyp otyr.
Elshilikte atap ótilgenindeı, máselen, О́zbekstan 2010 jyly óz aýmaǵynda kórshi eldiń túrli júk tıelgen vagondaryn ustap, Tájikstannyń ońtústik jáne ortalyq óńirlerine júıeli túrde kólik blokadasyn júzege asyryp kelgen. Al 2011 jyldyń sońynda ózbek taraby Tájikstannyń ońtústik oblystaryna arnalǵan júk tranzıtin toqtatyp tastaǵan. Gaz satpaı qoıamyn dep te qoqan-loqqy jasapty. Resmı Tashkent ázirshe únsiz.
Tártipsizdikterge bılik kinásiz
Qyrǵyzstannyń bas prokýratýrasy 2010 jyldyń kóktemi men jazynda oryn alǵan jappaı tártipsizdikterge respýblıkanyń ýaqytsha úkimetiniń kinási joq dep sanaıtynyn bildirdi. Bul týraly bas prokýrordyń orynbasary Nurlan Jıenalıev málimdedi.
Ol atalǵan is boıynsha 19 tom materıal tekserilip, 80 joǵary laýazymdy sheneýnikten jaýap alynǵanyn atap kórsetti. Olardyń qatarynda qazirgi is basyndaǵy prezıdent Almazbek Atambaev pen ýaqytsha úkimetti basqarǵan Roza Otýnbaeva da bar. Sol kúnderde el aýmaǵynda 80-nen astam adam qaza tapsa, 500-i jaralanǵan bolatyn.
Qysqa qaıyryp aıtqanda:
* BUU-nyń Sırııa boıynsha arnaıy ókili Kofı Annan osy elbasshylyǵynyń aldyna shart qoıdy. Ol boıynsha eldegi janjaldybeıbit retteý josparyn júzege asyrý 10 sáýirden qalmaı bastalýytıis. Sırııa prezıdenti Bashar Asad bul shartpen kelisipti.
* Nıderlandy polısııasy Reseı shpıondaryna qupııa aqparattar berdidegen kúdikpen syrtqy ister mınıstrliginiń 60 jastaǵy qyzmetkerintutqynǵa aldy. Onyń aty-jóni P.Raımond kórinedi.
* AQSh-tyń Kalıfornııa shtatyndaǵy Oklend jekemenshik oqý ornyndajeti adamdy atyp óltirgen 43 jastaǵy Ko Van qamaýǵa alyndy. OlAQSh-tyń jáne Ońtústik Koreıanyń azamaty bolyp tabylady eken.
* Quqyq arqyly demokratııa úshin Eýropa komıssııasy (resmı emes ataýy – Venesııa komıssııasy) Reseıdegi saıası reformany syn tezine aldy. Bul oraıda Reseıdiń partııalar týraly, mıtıngter týraly jáne saılaý týraly zańdary synalǵan.
* Irak basshylyǵy Katardan antıterrorlyq zańdylyqty buzdy dep aıyptalǵan Irak vıse-prezıdenti Tarık ál-Hashımıdi ekstradısııalaýdy talap etti. Ál-Hashımıdiń pikirinshe, Irak basshylyǵynyń talaby zańsyz.
* Qyzmet ókilettiligin asyra paıdalandy dep aıyptalyp, 7 jylǵa bas bostandyǵynan aıyrylǵan Ýkraınanyń eks-premeri Iýlııa Tımoshenko Harkovtegi temir jol klınıkasynda emdeletin boldy. Onyń júıke júıesi syr bergenge uqsaıdy.
Internet materıaldary negizinde ázirlendi.
