Memleket basshysynyń V Dúnıejúzi qazaqtarynyń quryltaıynda bergen tapsyrmasy aıasynda qurylǵan «Otandastar» qory shetelde turatyn jáne atamekenge oralǵan aǵaıyndarymyzdy qoldaý baǵytynda júıeli jumystar atqaryp keledi.
«Úkimet sheteldegi etnıkalyq qazaqtarǵa jan-jaqty qamqorlyq kórsetýge arnalǵan 2018-2022 jyldarǵa arnalǵan is-qımyl josparyn bekitti. Ol boıynsha dıasporalyq saıasat problemalarynyń halyqaralyq tájirıbelerin zerdeleý, taldaý jumystary júrgizilýde. Onyń negizgi baǵyttarynyń biri otandastarymyzdyń qataryndaǵy jastardy Qazaqstandaǵy is-sharalarǵa belsendi tartý arqyly qazaqstandyq áleýmettik jáne mádenı keńistikke biriktirý bolyp tabylady. О́ńirdegi jazǵy lagerlerge shaqyrý, til úıretý, mádenı qundylyqtarmen tanystyrý, kıeli tarıhı oryndarǵa saıahat jasaý, ekspedısııalar uıymdastyrý baǵytynda júıeli ister atqarylady», dedi Á. Ábeldınova.
M. Qojahmet óz kezeginde qor usynǵan jobalardy júzege asyrýǵa daıyn ekendikterin bildirdi.
Qor bilim, mádenıet, bıznes, taǵy basqa salalar boıynsha segiz jobany júzege asyryp keledi. Olardyń arasynda Dúnıejúzi qazaqtar qaýymdastyǵymen birlesip «Qasıetti qazaq eli» óner festıvali, Túrkistan oblysynda «Kıeli Qazaqstan saıahaty»,Reseıde kishi quryltaılar ótkizilipti.
О́mir ESQALI,
«Egemen Qazaqstan»
Soltústik Qazaqstan oblysy
