Jańa laýazymǵa ıe boldy
Juma, 13 sáýir 2012 6:42
Soltústik Koreıanyń kósemi Kım Chen Yn jańa laýazymǵa ıe boldy.
KHDR Eńbek partııasy ony partııanyń Ortalyq áskerı komıtetiniń tóraǵasy etip saılady. Keıbir málimetterge qaraǵanda, komıtet shamamen 1,1 mıllıon áskerı qyzmetshini quraıtyn Soltústik Koreıa armııasyna baqylaý jasaıdy. Kım Chen Ynnyń qazirdiń ózinde Koreıa halyq armııasynyń bas komandashysy degen laýazymy bar. Buǵan deıin oǵan Eńbek partııasynyń birinshi hatshysy ataǵy berilgen bolatyn. Is júzinde ol onyń basshysy bolyp tabylady. Kım Chen Yndy KHDR-da «uly kóshbasshy» dep ataıdy.
Juma, 13 sáýir 2012 6:42
Soltústik Koreıanyń kósemi Kım Chen Yn jańa laýazymǵa ıe boldy.
KHDR Eńbek partııasy ony partııanyń Ortalyq áskerı komıtetiniń tóraǵasy etip saılady. Keıbir málimetterge qaraǵanda, komıtet shamamen 1,1 mıllıon áskerı qyzmetshini quraıtyn Soltústik Koreıa armııasyna baqylaý jasaıdy. Kım Chen Ynnyń qazirdiń ózinde Koreıa halyq armııasynyń bas komandashysy degen laýazymy bar. Buǵan deıin oǵan Eńbek partııasynyń birinshi hatshysy ataǵy berilgen bolatyn. Is júzinde ol onyń basshysy bolyp tabylady. Kım Chen Yndy KHDR-da «uly kóshbasshy» dep ataıdy.
MEKSIKADAǴY JER SILKINISI
Meksıka jaǵalaýynda óte kúshti jer silkinisi boldy.
AQSh-tyń geologııalyq qyzmetiniń málimeti boıynsha, zilzala kúshi 7,1 balldy quraǵan. Jer silkinisiniń kindigi Sonora shtatynyń aýmaǵynda bolǵan kórinedi. Ázirge qıraǵan ǵımarattar men qurban bolǵandar týraly málimetter joq. Osy oraıda, ústimizdegi jyldyń 24 naýryzynda Meksıkanyń ońtústiginde 7,4 balldy quraǵan jer silkinisiniń oryn alǵanyn, sonyń saldarynan kem degende 32 myń úıdiń zaqymdanǵanyn da aıta ketý qajet.
SIRIIаDA TYNYShTYQ ORNADY
Batys aqparat agenttikteri 12 sáýir kúni tańerteńgilik ásker men ereýilshiler qaqtyǵysy neǵurlym shıelenisti bolǵan aımaqtarda tynyshtyq bolǵanyn habarlaǵan.
Bul sırııalyq áskerılerdiń ereýilshilerge qarsy birneshe apta boıy júrgizgen belsendi is-qımyldarynan keıingi alǵashqy úzilis. Jekelegen atystardyń oryn alǵandyǵy týraly habarlanǵanyna qaramastan, bútindeı alǵanda qaqtyǵystar neǵurlym kúshti bolǵan aýdandarda tynyshtyq ornaǵan kórinedi. Eń iri ereýilshi top bolyp sanalatyn Sırııanyń erikti armııasy úkimet áskerleri ózderine shabýyl jasamasa, osy bitimdi odan ári saqtaıtyndaryn málimdep otyr. Bul BUU-nyń arnaıy elshisi Kofı Annannyń beıbit josparynyń júzege asqanyn kórsetetin tárizdi.
ADVOKATTAN BAS TARTYP OTYR
Lıvııanyń qaza tapqan kósemi Mýammar Kaddafıdiń uly Seıf ál-Islam sotta ózin advokat kómeginsiz qorǵamaq nıette.
Bul jóninde Trıpolı ókimeti men Gaagadaǵy Halyqaralyq qylmystyq sotpen baılanys ornatýshy jáne osy iske jaýapty lıvııalyq zańger Ahmed ál-Djıhanı málimdegen. Onyń aıtýynsha, sońǵy bolǵan kezdesýde Kaddafıdiń uly buǵan zańdyq turǵyda birneshe saýaldar qoıyp, odan keıin sotta ózin derbes qorǵaıtynyn jetkizgen. Ál-Djıhanıdiń advokat jaldaý týraly keńes bergenine qaramastan, ol ózin «Mıloshevıch sııaqty qorǵamaq nıette».
BANTIOǴA TASTALǴAN BOMBA
Sýdannyń áskerı-áýe kúshteri keshe Ońtústik Sýdandaǵy Bantıo qalasyna birneshe ret soqqylar jasaǵan.
Ońtústik Sýdan úkimeti taratqan aqparatqa qaraǵanda, áskerı-áýe kúshteri qala aımaǵyna bes bomba tastaǵan kórinedi. Keıbir málimetter boıynsha Sýdanǵa aparatyn joldaǵy kópir nysanaǵa alynǵan. Bombalaýǵa dýshar bolǵan qala eki memleket shekarasynan 60 shaqyrym qashyqtyqta ornalasqan. Áýe soqqylary saldarynan eshkim zardap shekpegen kórinedi. Halyqaralyq baqylaýshylar eki el arasyndaǵy shıelenistiń ulǵaıyp bara jatqanyn, onyń sońynyń ashyq qaqtyǵysqa soqtyrýy múmkin ekenin aıtýda.
NATO JOSPARYN О́ZGERTPEK EMES
NATO Aýǵanstandaǵy qaýipsizdikke baqylaý jasaýdy el ókimetine 2014 jyldyń sońynda berý josparynan taımaq emes.
NATO-nyń bas hatshysy Anders Fog Rasmýssen osyndaı málimdeme jasaǵan. Sóz retinde alıans basshysynyń el prezıdenti Hamıd Karzaımen kelissózder júrgizý úshin Aýǵanstanǵa kelgenin aıta ketý qajet. Kabýl qalasy túbindegi halyqaralyq kúshter bazasynda sóz sóılegen Rasmýssen 2013 jyldyń ortasynan bastap aýǵandyq kúshterdiń elde tek qosalqy ról ǵana atqarýy tıis ekenin atap kórsetken. Qazirgi ýaqytta Aýǵanstan qaýipsizdik kúshteriniń sany 330 myń adamdy quraıdy. Jyl sońyna deıin ol 352 myńǵa jetýi tıis.
GREKIIаDA PARLAMENT SAILAÝY О́TEDI
Grekııa úkimeti merziminen tys parlament saılaýyn ústimizdegi jyldyń 6 mamyryna belgiledi.
El prezıdenti Karolos Papýlıas shyǵarǵan dekrette atap kórsetilgendeı, ol parlamentti taratyp, merziminen tys parlament saılaýyn taǵaıyndaıdy. Osy oraıda Grekııa ekonomıkasynyń aıtarlyqtaı ekonomıkalyq daǵdarysty bastan keship jatqanyn aıta ketý kerek. Osy jyldyń naýryzynda jeke sektordyń qolynda bolǵan memlekettik oblıgasııalardy aıyrbastaý tabysty júzege asqan soń, Halyqaralyq valıýta qory Afınaǵa 130 mıllıon eýrodan astam turaqtandyrý nesıesin bólýdi qýattaǵan bolatyn.
QYTAIDAǴY JOL-KО́LIK APATY
Qytaıdyń Anhoı provınsııasy aýmaǵynda jolaýshylar avtobýsynyń júk mashınasymen soqtyǵysýy saldarynan 24 adam qaza tapqan.
Qutqarýshylar japyrylyp qalǵan avtomobıl astynan shyǵaryp alǵan eki adam aýrýhanaǵa jetkizilgen. Sonymen birge, júk mashınasy júrgizýshisiniń apat bolǵan jerde qaza tapqany da rastalyp otyr. Avtobýsta qansha jolaýshy bolǵany ázirge belgisiz. Oqıǵa bolǵan jerde tergeý jumystary júrgizilýde. Jol-kólik apaty oryn alǵan magıstral Anhoı provınsııasyn Szıansý jáne Henan provınsııalarymen jalǵastyrady. Jol-kólik oqıǵalary saldarynan jyl saıyn Qytaıda shamamen 70 myńdaı adam qaza tabatyn kórinedi.
Internet materıaldary negizinde ázirlendi.
