Keshirim jasaldy
Seısenbi, 17 sáýir 2012 7:41
Belorýssııada 2010 jyldyń jeltoqsan aıynda bolǵan prezıdentsaılaýynyń qorytyndysyna qarsy bolǵandar Úkimet úıin basyp alajazdap, úlken dúrbeleń týǵyzǵan edi. Polısııa 700-deı adamdy ustap, kóp adam jappaı tártipsizdikterge jol bergeni úshin degen qylmystyq bappen túrmege qamalǵan.
Seısenbi, 17 sáýir 2012 7:41
Belorýssııada 2010 jyldyń jeltoqsan aıynda bolǵan prezıdentsaılaýynyń qorytyndysyna qarsy bolǵandar Úkimet úıin basyp alajazdap, úlken dúrbeleń týǵyzǵan edi. Polısııa 700-deı adamdy ustap, kóp adam jappaı tártipsizdikterge jol bergeni úshin degen qylmystyq bappen túrmege qamalǵan.
Sonyń ishinde prezıdenttik laýazymǵa kandıdatýrasyn usynǵan A.Sannıkov te boldy. Ol bes jylǵa bas bostandyǵynan aıyrylǵan bolatyn. Belorýssııa basshylyǵy batystyń qysymyna qaramaı, sot tanyǵan qylmyskerlerge keshirim jasaýdan osy ýaqytqa deıin bas tartyp kelgen. Tek olardyń óz qylmystaryn moıyndap, keshirim jasaý týraly ótinishinen keıin ǵana A.Lýkashenko A.Sannıkov pen onyń áriptesi D.Bondarenkony óziniń jarlyǵymen túrmeden bosatty.
Jańa tóraǵa keldi
Búkilálemdik banktiń jańa tóraǵasy bolyp keshe AQSh azamaty Djım En Kım saılandy. Ol buǵan deıin týberkýlezge jáne SPID-ke qarsy kúrestiń kýratory qyzmetin atqarǵan. Sońǵy kezde ol Nıý-Gempshırdegi Dortmýnd kolledjin basqaratyn.
Onyń kandıdatýrasyn AQSh prezıdenti Barak Obama usyndy. Banktiń negizgi aksıonerleri AQSh, Japonııa jáne Eýroodaq bolyp tabylady. Tóraǵalyqqa ózderiniń kandıdatýralaryn barlyq 187 qatysýshy da jasaı alady. Degenmen, negizinen osylar usynǵan kandıdattar ǵana ótip keledi.
Tálipter azýyn kórsetip qaldy
Demalys kúnderi Kabýlda tálipterdiń shabýyly boldy. Aýǵanstan ishki ister mınıstrliginiń málimetterine qaraǵanda, oǵan 19 lańkesshi qatysqan. Olar 18 saǵat boıy qalanyń naǵyz ortalyǵynda atysyp, 8 polısııa qyzmetkerin jáne ulttyq gvardııanyń 40 áskerin sheıt qyldy.
Lańkesshiler qala ortalyǵyndaǵy jańadan salynyp jatqan saýda ortalyǵynyń bıik ǵımaratyn basyp alýdy kózdegen. Osy jerden olar Brıtan jáne Germanııa elshilikterin shabýyldamaqshy bolǵan. Aýǵan ókimetiniń kúshterine NATO tikushaqtarynyń kómegi kóp boldy. Olar lańkesterdiń qaıda ornalasqanyn anyqtap otyrǵan jáne mergenderin joıýǵa úles qosqan.
Reseıdiń moıyndaǵysy joq
Eýropanyń adam quqyqtary jónindegi sotyna 1940 jylǵy Reseı jerinde bolǵan Katyn qyrǵynyna baılanysty 15 polıak azamaty qaıyrylǵan. Olar Reseıdiń polıak ofıserlerin zańsyz qyrǵan qylmysyn moıyndatýdy kózdeıdi. Sóıtse, úlken kólemde ótemaqy alary sózsiz.
Biraq sot birjaqty sheshim qabyldaǵan joq. Tek adamdardy jappaı zańsyz, sotsyz atý faktisin moıyndamaýǵa laj joq ekenin jáne Reseıdiń osy ýaqytqa deıin qylmysty tolyq ashýǵa kedergi jasap kelgenderine qaıran qalatyndyqtaryn jarııalaǵan. Buǵan qanaǵattanbaǵan talap-aryz berýshiler endi osy sottyń joǵary ınstansııasyna shaǵynbaqshy.
Temir joldy aýksıonǵa qoıady
Grýzııa ókimeti osy ýaqytqa deıin tolyǵymen memleket menshiginde bolyp kelgen temir jolynyń 25 paıyzdyq aksııasyn London bırjasynda aýksıonnan satý týraly sheshim qabyldady. Qazir bul saýdaǵa qyzyǵýshylar qatary kóp ekeni aıtylýda.
Eldiń qurlyqtaǵy negizgi kólik quraly bolyp tabylatyn temir jol byltyrǵy jyldyń qorytyndysy boıynsha 285,8 mln. dollar tabys tapqan eken. Úkimet túsimniń 30 paıyzyn dıvıdend tóleýge jumsaıtynyn da jarııalaǵan. Aýksıon mamyr aıynda ótetin bolady.
Olımpıada ortalyǵyn nysanaǵa alǵany emes pe?
Sochı qalasynyń ortasyndaǵy bir dúkenniń aldynda qoldan jasalǵan bomba jarylǵan. Nátıjesinde ótip bara jatqan bir adam qatty jaralanǵan. Qysqy Olımpıadaǵa qatty daıyndalyp, tártip saqtaýdyń qatań rejimine engen qala turǵyndaryna bul jáıt tóbeden jaı túsirgendeı boldy.
Bombanyń jasalý sapasy tómen ári aktiniń naqty sebebi belgisiz dep jergilikti polısııa bul isti usaq qylmysqa saıyp, jaqaýratyp otyrǵanymen, osy kúnderi qala turǵyndary arasynda kádimgideı dúrbeleń bar. Krasnodar ólkesiniń barlyq polısııasy qazir qatań rejimdegi qyzmet tártibine engizilgen.
Qysqa qaıyryp aıtqanda:
* OAR prezıdenti Djeıkob Zýma altynshy ret úılenip, tórtinshi áıelin úıine kirgizdi. Bul elde kóp áıel alýǵa ruqsat etilgen. 70 jastaǵy prezıdenttiń 21 balasy bar, ol 2009 jyldan beri memleket basynda otyr.
* QHDR prezıdenti Kım Chen Yn el ekonomıkasyna reforma jasaýda kapıtalıstik ádisterdi de qoldanýdan qoryqpaý kerek ekenin jarııa etti. Buǵan deıin rynoktyq ádisterdi usynýǵa mamandar ıdeologııalyq jaǵynan aıypty bolyp qalýdan qorqyp, úndeı almaıtyn.
* Osloda 77 adamnyń qanyn júktegen «norveg atqyshyna» sot prosesi bastaldy. Sot zalyna ákelinip, qolynan kisen alynǵanda ol fashısterdiń ádisimen oń qolyn kóterip, jınalǵandarǵa sálem bergen.
* О́tken jeksenbi kúni Parıj kóshelerine N.Sarkozı men onyń qarsylasy F.Ollandty qoldaıtyn mıtıngige barý úshin 100 myńnan artyq adam shyqty.
* Kıpr respýblıkasy óz porttaryna Germanııanyń Iran qarýlaryn tıegen kemelerin toqtatpaıtynyn jarııalady. О́ıtkeni, kemedegi qarýlar Sırııa ókimeti áskerlerine arnalǵandyǵy belgili bolyp otyr.
* Qytaıdyń shyǵysyndaǵy Shenıan-Haıloý joǵary jyldamdyqty avtotrassasynda qalyń tumannyń kesirinen 7 jol apaty oqıǵasy bolyp, 12 adam sheıt ketken. Al 26 adam túrli jaraqatpen aýrýhanalarǵa jetkizilgen.
Internet materıaldary negizinde ázirlendi.
