12 Naýryz, 2019

Sheneýnikter nege «komfort-aýmaqtan» shyqqysy kelmeıdi?

1285 retkórsetildi

Qoǵamda sheneýnikterdiń buqara halyqpen jumys isteýine qatysty syn kóp aıtylatyny jasyryn emes. Ásirese, basshylyqtaǵy memlekettik qyzmetkerdiń ortaq iske emes, jeke jaǵdaıyna kóbirek kóńil bólýi turǵyndardyń túsinbeýshiligi men ashý-yzasyn da týǵyzatyny sózsiz.  

Sol keleńsizdiktiń qatarynda sheneý­nikterdiń jumys kabınetin jasaqtaýǵa qatysty ýáj bar. Jáne ol negizsiz emes eken. Jaqynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenti aımaqtaǵy memlekettik mekemelerge arnaıy tekserý jumystaryn júrgizgen bolatyn. Nátıjesinde memlekettik qyzmet kórs­e­tiletin oryndarǵa qatysty bir­talaı jaıt anyqtaldy. Máselen, aq jaǵalylardyń deni atshaptyrym kabınetterde otyrýdy unatady eken. Jaıly kabınettegi jumsaq jıhaz ben jaǵymdy atmosfera bul jerge alǵash kelgen adamdy memleket adamynyń qyzmet or­ny emes, jeke kásip ıesiniń demalys ból­mesine kirgendeı áserge bóleıdi. Qyz­mettik tekserý aımaqtaǵy segiz júz­­den astam memlekettik mekemelerdi qam­tyǵan. Nátıjesinde qyzmettik ǵı­marattardy paıdalanýǵa qatysty zań bu­zýshylyq oryn alǵany anyqtalyp, 50 000 sharshy metr aýmaq tıimsiz qol­danysta bolǵany dáleldendi. 

– Memlekettik mekemelerdegi paıdalanylatyn aýmaq zańda belgilen­gen talapqa saı bolýy tıis. Olaı bol­ma­ǵanda qazyna qarjysyna artyq shy­ǵyn ákeledi. Mysaly, Taldyqorǵan qa­lasy ákimdiginiń halyqty jumyspen qamtý ortalyǵy osyǵan deıin jalpy alańy 206 sharshy metr ǵımaratty jalǵa alyp, oǵan ár jyl saıyn 7 mln 380 myń teńge aqy tólep otyrǵan, – deıdi Mem­lekettik qyzmet isteri já­ne sybaılas jemqorlyqqa qarsy is-qımyl agent­tiginiń Almaty oblysy boıynsha departamenti memlekettik qyz­met­ter basqarmasynyń basshysy Jeńis An­dabekov.

Tekserýden keıin bul mekeme Tal­­dy­qorǵan qalasynyń jumyspen qam­tý jáne áleýmettik baǵdarlamalar bó­liminiń ǵımaratyna kóship, jalǵa be­riletin qarajat únemdeldi. Al Tekeli qalasy ákimdiginiń jer qatynastary bólimi de jekemenshik ǵımarattan keńse jaldap, aıyna 100 myń teńge, jylyna 1 mln 200 myń teńgeni orynsyz jumsaǵan.

Aıtpaqshy, osyndaı qolaıly aýmaqt­a uzaq jyl otyryp, basshylyq etý­ge beıil jandar bilim salasynda da jetip-arty­lady eken. Memlekettik qyz­met isteri jáne sybaılas jemqor­lyqqa qarsy is-qımyl agenttigi aımaqtaǵy mek­tep dı­rek­torlarynyń jumys kabı­netterine de monı­torıng júrgizgen eken. Nátıjesinde keıbir mektep basshy­lary kabınetteriniń aýma­ǵy atshaptyrym ekendigi anyqtaldy. Iаǵnı, bul bólmeler de bilim mekemesinde tıimsiz paıdalanylatyn alań qataryna jatqyzylǵan. 

– Búginde memlekettik qyzmetshiler men vedomstvolyq baǵynysty uıymdar basshylarynyń aldynda óz jumys stılin qaıta qarastyryp, memleket pen qo­ǵam arasyndaǵy alshaqtyqty joıý min­­deti tur. Osyǵan oraı, oblystaǵy bilim mekemelerine arnaıy monıtorıng jasadyq. Nátıjesinde 740 mektep dırek­torynyń kabınetin zerdeledi. Jal­py oblys boıynsha aýdan, qala­lardaǵy mektep dırektorlarynyń kabınetterinen jalpy kólemi 1500 sharshy metr, normadan asyp tur. Aýmaǵy atshaptyrym, kólemi zańda bel­gilengen talaptan artyq 174 kabınet anyq­taldy, – dedi bizge departamenttiń Mem­lekettik qyzmetter basqarmasynyń basshysy J.Andabekov.

Al Memlekettik qyzmet isteri jáne sy­baılas jemqorlyqqa qarsy is-qımyl agenttigi Almaty oblysy boıynsha de­partamenti óz tarapynan joǵarydaǵy mek­tep basshylaryna reglamentke sáı­kes jumys kabınetine ornalasýdy min­det­tegen. 

Jalpy, memlekettik qyzmetker­ler­diń bıýdjet qarjysy esebinen úlken keńse jaldap, «komfort aýmaqtarda» jumys isteýge degen qumarlyǵy zań­ aıasynda shektelýi tıis. Sonda bul­ ke­leńsiz úrdistiń joly kesilip, bas­shy­­lardyń da elge bet burýyna jol ashylmaq. Bul ádetten bas tartýdyń tásili de jet­kilikti kórinedi. Sonyń bi­ri, qazir qoldanysqa keńinen engizilip jat­­qan Open space jobasynda qyzmet kór­setý úlgisi sheneýnikterdi buqara halyq­pen jaqyndatyp, erkin qalypta jumys isteýge beıimdeýde. Almaty oblysyndaǵy Úshtóbe qalasynyń ákim­digi osy joba bo­ıyn­­sha qyzmet kórsetýdi bastaǵan edi. 

Úshtóbedegi «Servıstik ákimdiktiń» ta­ǵy bir ereksheligi, bul jerde ádet­te­gideı kilem tóselgen dáliz boıyna qaz­daı tizilgen emen esikti kabınetter joq. Ese­sine, uıadaı ǵana ǵımaratqa qa­jetti qyz­mettiń 41 túrin usynatyn Úsh­tóbe qa­lasy ákiminiń apparaty, bilim berý, sáý­let jáne qala qurylysy, jer qa­ty­nastary, jolaýshylar tasymaly jáne avtomobıl joldary bólimderi, Qa­ratal aýdany ákimdiginiń Jumyspen qam­tý ortalyǵy sııaqty naǵyz jurt jıi iz­deı­tin resmı organdardyń jumysyna tur­ǵyndar dán rıza. 

Qalmahanbet MUQAMETQALI,

«Egemen Qazaqstan»

Almaty oblysy

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar