Qaýip joq emes. Kóktemniń shýaqty kúnderimen birge darııanyń betindegi muz erip jatyr.
Jıynda baıandama jasaǵan oblystyq jumyldyrý daıyndyǵy basqarmasynyń basshysy Asylbek Shámenov:
– Qazirgi kezde «Shardara» sý qoımasynda 4 mlrd 770 mln, «Kóksaraı» sý rettegishinde 2 mlrd 86 mln tekshe metr sý jınalǵan. Oblys aýmaǵyna sekýndyna 120 tekshe metr sý kelip jatyr. Aral, Qazalydan basqa aýdandar men Qyzylorda qalasynda ózen beti taza. Eki aýdan aýmaǵyndaǵy muzdyń ortasha qalyńdyǵy – 10-40 santımetr aralyǵynda, – dedi.
Byltyr Shardara sý qoımasy men Kóksaraı sý rettegishine mol sý túskenimen naǵyz kerek kezinde Qyzylordalyq dıhandar daqyldaryna sý jetkize almaı qatty qınalǵan edi.
Oblys basshysy bıyl da ondaı qaýiptiń bolmaýyna kepildik joq ekendigin, meıilinshe qoımalarǵa sý jınap alýdyń jaıyn tapsyrdy.
Baqtııar TAIJAN,
«Egemen Qazaqstan»
Qyzylorda oblysy
