Vladımır Pýtın qyzmetine kiristi
Seısenbi, 8 mamyr 2012 7:49
Keshe Reseı Federasııasynyń jańadan saılanǵan prezıdenti Vladımır Pýtın Kremlge jınalǵan jurtshylyq aldynda eline, halqyna adal qyzmet etý týraly ant berip, prezıdenttik mindetterine resmı túrde kiristi.
Seısenbi, 8 mamyr 2012 7:49
Keshe Reseı Federasııasynyń jańadan saılanǵan prezıdenti Vladımır Pýtın Kremlge jınalǵan jurtshylyq aldynda eline, halqyna adal qyzmet etý týraly ant berip, prezıdenttik mindetterine resmı túrde kiristi.
Buǵan deıin prezıdent bolǵan Dmıtrıı Medvedev endi prezıdent Vladımır Pýtınniń usynysymen úkimet tóraǵasy bolýy múmkin. Ol úshin D.Medvedevke Reseı Federasııasy parlamentiniń joǵarǵy jáne tómengi palatalarynyń depýtattary qoldaý bildirýi tıis. Al V.Pýtın premer-mınıstrdiń mindetin ýaqytsha atqarýdy birinshi vıse-premer bolǵan Vıktor Zýbkovqa tapsyrdy.
17 JYLDAN SOŃǴY SOSIALISTERDIŃ JEŃISI
Jeksenbi kúni Fransııada prezıdenttik saılaýdyń ekinshi týry bolyp ótti. Onda azdaǵan basymdyqpen Fransýa Olland jeńiske jetti. Daýys sanaý nátıjesinde onyń 52,1 paıyz daýys alǵany belgili boldy. Sońǵy 5 jyl prezıdent bolǵan Nıkolıa Sarkozıdi fransııalyqtardyń 48,9 paıyzy qoldaǵan.
F.Olland daýys jarııa etilgennen keıin jaqtastarynyń aldynda sóılegen sózinde bar kúsh-jigerin ekonomıkany kóterýge, jumys oryndaryn kóbeıtýge, bilim berý salasyn jańǵyrtýǵa, ekologııa problemalaryn sheshýge jumsaıtynyn málimdedi. Sosıalıster bılikke Fransýa Mıtteran ketken 17 jyldan keıin endi kelip otyr.
SERBIIа PREZIDENTI 2-ShI TÝRDA ANYQTALADY
Serbııa prezıdentin saılaýda ekinshi týr ótetin boldy. Oǵan burynǵy memleket basshysy Borıs Tadıch pen oppozısııa serkeleriniń biri Tomıslav Nıkolıch qatysady. Bul týraly keshe «Frans-press» agenttigi habarlady.
Eldegi 8 myń saılaý ýchaskesiniń arasynan iriktelip, 1 myńyna júrgizilgen saýaldama nátıjesinde saılaýshylardyń 26,7 paıyzy óz daýystaryn Tadıchke, al 25,5 paıyzy Nıkolıchke beretini anyqtalǵan. Saılaýdyń birinshi týrynda daýys berýshilerdiń 58,7 paıyzy óz tańdaýlaryn jasaǵan bolatyn. Al ekinshi týr 20 mamyrǵa belgilenip otyr.
KÚDIKTILER SOT ALDYNDA JAÝAP BERÝDE
2001 jyldyń 11 qyrkúıegindegi lańkestikti uıymdastyrdy degen kúdikpen qamaýǵa alynǵan Halıd Sheıh Mohammed pen onyń tórt serigi Gýantanamo bazasyndaǵy áskerı trıbýnal aldynda jaýap berýde. Alǵashqy sot májilisinde Mohammed sýdıa Djeıms Poldyń saýaldaryna jaýap berýden bas tartqan.
Advokattardyń sózderine qaraǵanda, aıyptalýshy sot ádiletsizdigine óziniń narazylyǵyn osylaısha bildirgen. Pol Mohammedke bulaı jasaýǵa bolmaıtynyn eskertkennen keıin sot prosesin onyń qatysýynsyz júrgizgen. Sot prosesi kóptegen jyldarǵa sozylýy yqtımal delinip otyr. Eger aıyptylardyń kináleri moıyndaryna qoıylsa, onda olar ólim jazasyna kesiledi.
TÚRMEDEGILERDIŃ BÚLIGI KÚShPEN BASYLDY
Tashkentte túrmede otyrǵandar poıyzben basqa jaqqa kóshirilý barysynda búlik shyǵarǵan. Bul týraly «Ferǵana» agenttigi habarlady. Agenttiktegi derek kóziniń málimdeýinshe, Tashkenttiń Iаkkasaraı aýdanynda atylǵan oqtyń daýysy estilgen.
Jasyryn qalǵan kúsh qurylymdary qyzmetkerleriniń aıtýlarynsha, sottalǵandar birneshe vagondy basyp alǵan. Búlik qatań túrde basyp-janshylǵan. Oqqa ushqandardyń sany belgisiz. Derek kózderiniń sózderine qaraǵanda, sottalǵandar tıelgen poıyz burynǵysynsha sol ornynda tur. Resmı oryndar oqıǵa týraly ázirshe jumǵan aýzyn ashqan joq.
NARAZYLYQ AKSIIаSYNDA USTALǴANDAR KО́P
Kanadanyń Kvebek provınsııasyndaǵy Vıktorııavıll qalasynda bilim berýge baǵanyń ósýine qarsy narazylyq aksııasy bolyp ótti. Aksııa barysynda 106 qatysýshy qamaýǵa alynǵan. Narazylyq bildirýshi stýdentter men polısııa arasyndaǵy qaqtyǵys barysynda 9 adam zardap shekken.
Olardyń úsheýi polısııa qyzmetkeri bolsa, altaýy demonstranttar. Úsh stýdent bastarynan alǵan jaraqattary aýyr bolǵandyqtan, aýrýhanaǵa jatqyzylǵan. Jaǵdaılary ortasha turaqty kórinedi. Kvebektegi stýdentter narazylyǵy aqpan aıynyń ortasynan beri jalǵasyp keledi. О́ńirlik úkimet bıýdjet tapshylyǵyn qysqartý maqsatynda oqý aqysyn ortasha eseppen 1625 dollarǵa kótermek bolyp otyr.
Qysqa qaıyryp aıtqanda:
* Izraıl úkimeti keshe ótken óziniń májilisinde premer-mınıstr Bınıamın Netanııahýdyń el parlamentine merziminen buryn saılaý ótkizý týraly bastamasyna qoldaý bildirdi. Sóıtip, knessetke saılaý ústimizdegi jyldyń 4 qyrkúıegine belgilendi.
* Reseı prezıdenti V.Pýtınniń keshegi ınaýgýrasııasy kezinde Máskeýde 120 adam qamaýǵa alyndy. Olardyń arasynda oppozısııa serkeleriniń biri Borıs Nemsov bar. Olar qoǵamdyq tártipti buzýǵa bolmaıtyny týraly áńgime ótkizilgennen keıin bosatylypty.
* Ońtústik Koreıanyń Pýsan qalasyndaǵy karaoke-barda bolǵan órt saldarynan 9 adam qaza tapqan. Taǵy 25 adam zardap shekse, keıbireýleri ólim aýzynda jatqanǵa uqsaıdy. О́rttiń shyǵý sebepteri ázirshe belgisiz.
* Ázerbaıjannyń Zakataly qalasy mańynda eń kúshtisiniń magnıtýdasy 5,5 ball bolǵan qatarynan úsh jer silkinisi tirkeldi. Tabıǵat apaty saldarynan 15 adam zardap shekken. Olardyń bárine alǵashqy medısınalyq kómek kórsetilip, oqıǵa ornyna qutqarýshylar jiberilipti.
Internet materıaldary negizinde ázirlendi.
