Úkimettiń jańa quramy jarııalandy
Juma, 18 mamyr 2012 8:21
Fransııada úkimettiń jańa quramy jarııa etildi. El premer-mınıstri mindetin Jan-Mark Ero atqara bastady. Qorǵanys mınıstri oryntaǵyna Jan-Iv Le Drıan, ekonomıka jáne qarjy mınıstri oryntaǵyna Per Moskovısı, al syrtqy ister mınıstri oryntaǵyna Loran Fabıýs otyrdy.
Juma, 18 mamyr 2012 8:21
Fransııada úkimettiń jańa quramy jarııa etildi. El premer-mınıstri mindetin Jan-Mark Ero atqara bastady. Qorǵanys mınıstri oryntaǵyna Jan-Iv Le Drıan, ekonomıka jáne qarjy mınıstri oryntaǵyna Per Moskovısı, al syrtqy ister mınıstri oryntaǵyna Loran Fabıýs otyrdy.
Ishki ister mınıstri qyzmetin Manýel Vals, mádenıet mınıstri qyzmetin Orelı Fılıpettı, eńbek mınıstri qyzmetin Mıshel Sapen atqaratyn boldy. Bul Fransııa tarıhynda úkimet quramynda erler men áıelder sany teń túsken alǵashqy oqıǵa bolyp tabylady. Jańa kabınettiń alǵashqy májilisi keshe ótti. Al Jan-Mark Ero Fransııa premer-mınıstri bolyp 15 mamyrda taǵaıyndalǵan edi.
Grekııada ýaqytsha kabınet jasaqtaldy
Grekııada aqyry 17 maýsymda merziminen buryn parlamenttik saılaý ótkiziletin boldy. О́ıtkeni, elde belgilengen ýaqytta úkimet quramy jasaqtalmady. Sóıtip, Grekııada ýaqytsha kabınettiń quramy jarııa etildi. Ol saılaýǵa deıin jumys isteıtin bolady.
Ýaqytsha premer-mınıstr bolyp, buǵan deıin habarlanǵanyndaı, Memlekettik keńestiń basshysy Panaıotıs Pıkramenos taǵaıyndaldy. Qarjy mınıstri mindetin Georgıos Zanıas, syrtqy ister mınıstri mindetin Petros Molıvıatıs, qorǵanys mınıstri mindetin Frangos Frangýlıs atqaratyn boldy. Barlyǵy ýaqytsha úkimet quramyna 16 mınıstr kirdi. Ýaqytsha kabınettiń ókilettiligi shekteýli.
Phenıan ıadrolyq synaq ótkize me?
Ońtústik Koreıa barlaý qyzmetindegi derek kózine silteme jasaǵan «Renhap» agenttigi Soltústik Koreıanyń ıadrolyq synaq júrgizýge daıyndalyp jatqanyn habarlady. Agenttiktiń derekterine qaraǵanda, KHDR Hamgen-Pýkto provınsııasyndaǵy polıgonda jerasty tonnelin salyp jatyr.
Atalǵan jerde buǵan deıin eki ret – 2006 jáne 2009 jyldary jerasty ıadrolyq jarylystary jasalǵan kórinedi. Al jańa jerasty jarylysyn jasaýǵa daıyndyq sońǵy kezeńge aıaq bassa kerek. Biraq ıadrolyq synaqqa daıyndyq týraly aqparatty qýattaıtyn nemese teriske shyǵaratyn resmı málimet KHDR tarapynan ázirshe túsken joq.
Basqynshylyq zańynan bas tartpaıdy
Grýzııa Abhazııa men Ońtústik Osetııaǵa qatysty qabyldanǵan «Basyp alynǵan aýmaqtar týraly» zańnan bas tartý týraly nıeti joq ekenin málimdedi. Bul málimdeme Grýzııanyń reıntegrasııa máseleleri jónindegi memlekettik mınıstri Eka Tkeshelashvılıdiń aýzymen jasaldy.
E.Tkeshelashvılı hanymnyń sózine qaraǵanda, zań tek atalǵan aýmaqtar Grýzııanyń ıeligine qaıtarylǵan jaǵdaıda ǵana kúshin joıýy yqtımal. «Aýmaǵynyń 20 paıyzynan aıyrylyp otyrǵan el mundaı arnaıy zań qabyldaýǵa tolyq quqyly. О́ıtkeni, bul zańdyq qujat atalǵan problemanyń tamyryna balta shabýǵa baǵyttalǵan», deıdi memlekettik mınıstr.
Sarapshy-krımınalıst atylyp óldi
Keshe erteńgisin Qyrǵyz Respýblıkasy ishki ister mınıstrliginiń ǵımaratynda mılısııa podpolkovnıgi Nadyr Abdyrahmanov atylyp ólgen. Bul týraly AKIpress agenttigi habarlady. О́zine ózi qol jumsaǵan adam IIM-niń sarapshy-krımınalıstıka ortalyǵynda aǵa sarapshy bolǵan eken. Ol jumys ornynda kóz jumypty.
Buqaralyq aqparat quraldarynyń alǵashqy habarlarynda N.Abdyrahmanovtyń ózin ózi eki ret atqany aıtylǵan bolatyn. Keıinirek ishki ister mınıstrligindegiler tapansha bir márte atylǵany týraly málimdeme jasady. Áýelde mılısııa podpolkovnıginiń ózine ózi ne sebepti qol jumsaǵany týraly túrli boljamdar aıtylǵan edi. Sońǵysy ol ózin abaısyzda atyp alǵan degenge saıady.
Kıshınevte qaraly sharalar ótti
Keshe Moldavııanyń astanasy Kıshınev qalasynda memlekettik tý tómen túsirilip, Eýroodaq týyna qara lentalar baılandy. Mundaı qaraly shara Býharest beıbit kelisimi boıynsha Bessarabııanyń Reseı ımperııasy quramyna ótýiniń 200 jyldyǵyna baılanysty uıymdastyryldy.
Osydan eki ǵasyr buryn Bessarabııanyń basym bóligin qazirgi Moldavııa aýmaǵy quraıtyn. Al 1918 jyly Bessarabııa Rýmynııaǵa qosylsa, 1940 jyly óńirge baqylaýdy keńes bıligi ózine qaıtaryp alǵany belgili. 16 mamyr qaraly kún dep Kıshınev meri Dorın Kırtoakeniń ókimi boıynsha jarııalandy. Lıberaldar partııasynyń serkesi Mıhaı Gımpýdiń pikirinshe, búgingi kedeıshilik, jemqorlyq, basqa da kesirler basqynshylyq saıasattyń saldary bolyp tabylady.
Qysqa qaıyryp aıtqanda:
l Eýroodaq Ýkraınaǵa eks-premer, oppozısııalyq saıasatker Iýlııa Tımoshenkony emdeýge qatysý úshin medısınalyq sarapshylar jiberý nıetinde. Bul jóninde Eýroparlament tóraǵasy Martın Shýls málimdedi.
l Soltústikkoreıalyq kater ekıpajy 29 qytaı balyqshysyn amanatqa alǵan. Endi KHDR ókilderi kepildegilerdi bosatý úshin tólem talap etip otyrǵan kórinedi. Bir qyzyǵy – qytaılyqtar tutqynǵa QHR-diń, ıaǵnı ózderiniń aýmaqtyq sýlarynda alynǵan eken.
l Ýkraınanyń Sevastopol okrýgtik ákimshilik soty Reseı qorǵanys mınıstrliginen 5 mıllıon rýbl kóleminde jınaqtalyp qalǵan salyqtyq qaryzdy óndirip alý týraly qaýly shyǵardy. Qaryzdyń basym bóligin qosymsha qun salyǵy (QQS) quraıdy eken.
l Indonezııa aýmaǵynda apatqa ushyraǵan Reseıdiń Sukhoi Superjet-100 ushaǵynan tabylǵan «qara jáshikte» ushqyshtardyń sońǵy eki saǵattaǵy sóılegen sózderi saqtalyp qalypty. Endi sózderdi ajyratý úshin jáshik Máskeýge jetkiziletin bolady.
Internet materıaldary negizinde ázirlendi.
