Aýyr atletıka • 13 Naýryz, 2019

AQSh-ta chempıon atanǵan Aqmolda Saıramkez álemdik dodany qorytyndylady

877 retkórsetildi

Aýyr atletıkadan AQSh-tyń Las-Vegas qalasynda ótip jatqan jasóspirimder arasyndaǵy álem chempıonaty qazaq jankúıerleriniń eńsesin bir kóterip tastady. Álemdik dodadan Qazaqstan sportshylary ázirge úsh altyn jeńip aldy. Al eń birinshi bolyp elimizdiń ánuranyn AQSh tórinde oınatqan jas sportshy Aqmolda Saıramkez bolatyn. Olympic.kz saıtyna suhbat bergen Aqmolda jer júzilik jarysta tuǵyr bıiginen kórinýdi múlde oılamaǵanyn aıtady. 

Aqmolda Saıramkez nebary 16 jasta. Ol Almaty oblysy, Aqsý aýdany, Mataı aýylynda dúnıege kelgen. Bir jyl boıy esh jarysqa qatyspaı, tynymsyz daıyndalǵan jas atlet alys Amerıkada Qazaqstannyń kók týyn jelbiretti. 

«Sizge shynymdy aıtaıyn, altyn medal alamyn dep oılaǵan emespin. Osynyń aldynda Taılandtaǵy álemdik synǵa qatysyp, qur qol qaıtqan edim. Onyń ústine, alys elge sapar shegip, iri dodaǵa túsip jatqasyn, azdaǵan qobaljý boldy. Sondyqtan, alǵashynda óz kúshime senbeı, jarysqa qatysýdyń ózin mártebe kórdim. Qýanyshqa qaraı, bapkerler men ata-anamnyń senimin aqtap, jankúıerlerdi qýantyp, chempıon atandym», - deıdi Aqmolda. 

Aqmolda jasóspirimder arasyndaǵy Qazaqstan chempıonatynda birneshe ret top jarǵan. Aýyr atletıkamen 13 jasynan beri aınalysyp keledi. Al jasóspirimder quramasyna 2015 jyly qabyldanǵan. 

«Ziltemir sahnasyna shyǵarda bapkerimiz Baqyt Ahmetov úlken qoldaý kórsetti. Jattyqtyrýshy barlyǵyn tereńnen kóredi emes pe?! Ziltemir kóterýge attanarda: «О́zińe sen. Qolyńnan keledi. Kóteresiń!»,  - dep rýhtandyrady. Basty qarsylastarym Túrkııa men Vetnam sportshysynan ozyp, jeńiske jetkenimde, qýanyshymda shek bolmady. Bul jeńisimdi barsha jankúıerlerge arnaımyn», - dedi sportshy.

Aqmolda Saıramkezdiń endigi armany – eresekter quramasyna ótip, iri básekelerde elimizdiń atyn asqaqtatý. 

Eske sala keteıik, Las-Vegasta ótip jatqan jasóspirimder arasyndaǵy álem chempıonatynda qazaqstandyq aýyr atletter úsh altyn medal jeńip aldy. 

61 kelidegi Aqmolda Saıramkez, 67 kelidegi Saıhan Taısýev jáne 81 kelidegi Sápı Esengeldi altynnan alqa taqty. 

Jasóspirimder quramasynyń bapkeri - Baqyt Ahmetov. 

Sońǵy jańalyqtar

Toıdyń sońy topyrlaǵan syrqat

Aımaqtar • Búgin, 05:43

Aqırekte – Arystan bab...

Tanym • Búgin, 05:38

Kıeli kitaptar: tyıymdar ne úshin jasalady?

Rýhanııat • Búgin, 05:34

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar