Sharaına
Seısenbi, 5 maýsym 2012 6:44
APATTAN AMAN QALǴANDAR JOQ
Nıgerııada jolaýshylar ushaǵy apatqa ushyrady. Logos qalasyndaǵy bul apattan ushaq portyndaǵy 150 adam túgel kóz jumdy. Nıgerııanyń Dana Air áýe kompanııasyna tıesili ushaq 3 maýsym kúni jergilikti áýejaı mańyndaǵy eki qabatty ǵımaratqa soǵylǵan bolatyn.
Seısenbi, 5 maýsym 2012 6:44
APATTAN AMAN QALǴANDAR JOQ
Nıgerııada jolaýshylar ushaǵy apatqa ushyrady. Logos qalasyndaǵy bul apattan ushaq portyndaǵy 150 adam túgel kóz jumdy. Nıgerııanyń Dana Air áýe kompanııasyna tıesili ushaq 3 maýsym kúni jergilikti áýejaı mańyndaǵy eki qabatty ǵımaratqa soǵylǵan bolatyn.
Nıgerııa basshylyǵy áýe apatynyń ne sebepti bolǵany týraly aldyn ala esh málimet berip otyrǵan joq. Biraq ushaq qulaǵan jerden «qara jáshikterdiń» biri alynyp, polısııaǵa tapsyrylǵan. Qaıǵyly oqıǵaǵa baılanysty Nıgerııa prezıdenti Gýldak Djonatan úsh kúndik ulttyq qaraly kún jarııalady. Bul Nıgerııada sońǵy on jylda bolǵan ekinshi osyndaı úlken apat bolyp tabylady.
ULTARALYQ KEŃES QURAMY BELGILI
Jaqyn kúnderi Reseı prezıdenti Vladımır Pýtın Reseı prezıdenti janyndaǵy ultaralyq qarym-qatynas jónindegi keńes qurý týraly jarlyqqa qol qoıady. Keńestiń basshysy prezıdenttiń ózi bolady. Orynbasarlyq oryntaqtyń biri vıse-premer Dmıtrıı Kozakqa buıyrǵaly otyr.
Taǵy bir orynbasarlyq ulttyq saıasat máselesimen aınalysatyn prezıdent ákimshiligi basshysynyń birinshi orynbasary Vıacheslav Volodınge tapsyrylmaq. Keńeske sondaı-aq birqatar úkimet músheleri: bilim mınıstri Dmıtrıı Lıvanov, mádenıet mınıstri Vladımır Medınskıı, óńirlik damý mınıstri Oleg Govorýn jáne federaldy mıgrasııalyq qyzmettiń dırektory Konstantın Romodanovskıı enedi.
DIVERSANTTAR ShABÝYLYNYŃ ALDYN ALǴAN
Armenııa qorǵanys mınıstri Ázerbaıjan dıversııalyq tobynyń respýblıka aýmaǵyna ótpek bolǵan áreketiniń aldy alynǵany týraly málimdeme jasady. Operasııa barysynda Armenııa qarýly kúshteriniń úsh qyzmetkeri qaza tapqan. Jaralanǵandar da bar delinip otyr.
Oqıǵa Armenııanyń soltústik-shyǵysynda oryn alǵan. Qorǵanys vedomstvosynyń derekterine qaraǵanda, dıversııalyq top Tavýsh oblysynyń Berdavan jáne Chınarı eldi mekenderine qaraı baǵyt alyp, armııanyń áskerı pozısııalaryna ótýge áreket jasapty-mys. Bul oqıǵaǵa baılanysty Ázerbaıjan tarapy ázirshe eshnárse aıta qoıǵan joq.
RESEI SIRIIа ÚKIMETIN «QORǴAP QALDY»
Reseı Federasııasynyń syrtqy ister mınıstrligi Sırııanyń Hýla kentinde jappaı adam óltirilýi týraly qarardy jazǵyrǵan mazmunda pikir bildirdi. Bul qarardy kezekten tys sessııasynda BUU-nyń Adam quqy jónindegi keńesi qabyldaǵan bolatyn.
Reseı SIM-ine qarardyń oqıǵaǵa baılanysty birjaqty negizde jasalǵany, ıaǵnı tek Sırııa úkimetin qaralaıtyny unamaǵan. Al qujatta búlikshil jasaqtar, lańkester týraly birde-bir sóz aıtylmaıdy. Vedomstvonyń pikirinshe, qarardyń obektıvtiligi joq, teńdestirilmegen jáne birjaqty mátini keńes mandatynyń sheńberinen shyǵyp ketken. BUU qujatyna 47 múshe eldiń 41-i jaqtap daýys berse, Reseı, Qytaı jáne Kýba qarsy daýys bergen.
GINNESTIŃ REKORDTAR KITABYNA ENDI
Ulybrıtanııa patshaıymy Elızaveta II-niń taqqa otyrǵanyna 60 jyl toldy. Bul data Ulybrıtanııa aýmaǵynda keń kólemde atalyp ótti. Merekege oraı 3 maýsym kúni Temza ózeninen ótken flotılııa álemdegi eń aýqymdy kemeler sherýi retinde Gınnestiń rekordtar kitabyna endi.
О́zendegi saltanatqa shamamen myń shaqty keme qatysqan. Elızaveta II-niń ózi jáne patshaıymnyń otbasy músheleri atalǵan saltanatqa arnaıy jóndeýden ótkizilgen koroldik «Spırıt of Chartýell» barjasynyń bortyna minip qatysqan. Is-shara 6 saǵatqa sozylsa, flotılııaǵa qatysýshylardyń jalpy sany 20 myń adamdy quraǵan, qozǵalysyn 1,2 mıllıon adam tamashalaǵan.
PANAMA JAǴALAÝLARYNDA JER SILKINDI
Panamanyń Tynyq muhıty jaǵalaýlarynda 4 maýsymǵa qaraǵan túni mangıtýdasy 6,6 baldyq jer silkinisi tirkeldi. Jerasty dúmpýleriniń epısentri Chırıkı provınsııasynyń ákimshilik ortalyǵy – Davıd qalasynan 370 shaqyrym jerde bolǵan.
AQSh geologııalyq qyzmetiniń saıtyndaǵy málimetterge qaraǵanda, sýnamı paıda bolý qaýpi týraly eskertý esh jerge taratylmaǵan. Sondaı-aq sońǵy ýaqyttarǵa deıin jer silkinisi saldarynan zardap shekkender jáne ǵımarattardyń qulaýy jóninde de eshnárse aıtylmaıdy. Soǵan qaraǵanda, jer silkinisiniń epısentri eldi mekender ornalasqan jerden aýlaqta bolǵanǵa uqsaıdy.
Internet materıaldary negizinde ázirlendi.
