Jıyn barysynda sóz alǵan Joǵarǵy sot Keńesiniń tóraǵasy Talǵat Donaqov jańa sot sýdıasyn tanystyryp ótti.
«Sizderdiń qaraýlaryńyzǵa Joǵarǵy sot sýdıasy qyzmetine Meırambek Taımerdenovti saılaý týraly Memleket basshysynyń usynymy engizilip otyr. M. Taımerdenov belgili jáne tájirıbeli zańger, prokýratýra, ádilet organdarynda, sondaı-aq tikeleı sot júıesinde birtalaı jyl eńbek etti. Sýdıalyq qyzmet eńbek ótili 15 jyldan asady. Onyń ishinde basshy sýdıa laýazymynda 11 jyldan beri qyzmet atqaryp keledi» dedi T.Donaqov.
Palata depýtattary usynylǵan kandıdatýrany biraýyzdan qoldady.
