Habty aralaý barysynda A. Mamın startap-jobalardyń, «Sheberhana» prototıpteý zerthanasynyń, R&D zerthanasynyń ókilderimen, Bıznes perishteler klýbynyń ınvestorlarymen jáne ókilderimen kezdesti.
Sıfrlyq tehnologııalardy engizý jóninde jumys keńesi ótti. Qazaqstanda sıfrlyq tehnologııalardy damytý boıynsha qabyldanyp jatqan sharalar týraly Sıfrlyq damý, qorǵanys jáne aeroǵarysh ónerkásibi mınıstri A. Jumaǵalıev, «Zerde» basqarma tóraǵasy E. Dúrmaǵambetov baıandady. Búginde Astana Hub Hab qatysýshylary úshin jeńildikti salyq rejımin, sondaı-aq sheteldik qatysýshylar úshin vıza alýdyń jeńildetilgen úrdisin usynyp otyrǵan súıemeldeýshige aınaldy. Tehnoparkte 150 startap, ıaǵnı 500-den asa kásipker óz jobalaryn damytyp otyr.
Premer-Mınıstr máseleni talqylaý qorytyndysy boıynsha Sıfrlyq damý, qorǵanys jáne aeroǵarysh ónerkásibi, Ulttyq ekonomıka, Indýstrııa jáne ınfraqurylymdyq damý mınıstrlikterine aldyńǵy qatarly sıfrlyq tehnologııalardy engizýdi jandandyrý, kásipkerlikti damytý boıynsha júzege asyrylyp jatqan memlekettik baǵdarlamalarmen startap jobalardyń qosa damýyn qamtamasyz etý boıynsha birqatar naqty tapsyrma berdi.
Ekspo kórmesiniń aýmaǵyn aralaý barysynda A. Mamın, sondaı-aq, Kórme ortalyǵynyń, AT-ýnıversıtet ǵımaratynyń qurylys jáne rekonstrýksııalaý jumystarymen tanysty. Budan ózge, Premer-Mınıstrge Seed Space Astana qalalyq ınnovasııalyq alańy tanystyryldy. A. Mamın sonymen qatar Halyqaralyq jasyl tehnologııalar jáne ınvestısııalyq jobalar ortalyǵyna bardy, sonymen qatar Astana Halyqaralyq qarjy ortalyǵyn damytý jóninde keńes ótkizdi.
