16 Naýryz, 2019

A. Mamın Shymkentti damytýdyń jáne qurylys júrgizýdiń keshendi josparyn jyldam qabyldaýdy tapsyrdy

767 retkórsetildi

Premer-Mınıstr Asqar Mamın jumys sapary aıasynda Shymkent qalasynyń aktıvimen qalanyń áleýmettik-ekonomıkalyq damýynyń ózekti máseleleri jóninde keńes ótkizdi.

Keńesti asha otyryp, Premer-Mınıstr Memleket basshysynyń Jarlyǵymen Shymkent qalasyna respýblıkalyq mańyzy bar qala statýsy berilgenin atap ótti. Elbasy Shymkent qalasynyń áleýmettik-ekonomıkalyq, ınfraqurylymdyq jáne óndiristik damýyna erekshe kóńil bóledi. Bul baǵytta Prezıdent Shymkent qalasyn damytýdyń jáne qurylys júrgizýdiń 2023 jylǵa deıingi keshendi josparyn daıyndap, bekitýdi tapsyrdy.

«Búginde Shymkent – bul elimizdiń mıllıon turǵyny bar jetekshi ónerkásiptik, ekonomıkalyq jáne mádenı ortalyqtarynyń biri. Memleket basshysy “Nur Otan” partııasynyń sezinde Úkimetke jáne ákimdikterge eldiń iri qalalarynyń shetki aımaqtaryn abattandyrýǵa jáne problemalaryn sheshýge erekshe nazar aýdarýdy tapsyrdy», — dep A. Mamın “qala ákimdigine jańa jáne salynyp jatqan aýdandardyń turǵyndarynyń ózekti máselelerine kóbirek kóńil bólip, birden ún qatý qajet ekenin, al eń bastysy — bul problemalardy sheshý kerek” ekenin basa aıtty.

Shymkent qalasynyń ákimi Ǵ. Ábdirahymov Shymkenttiń damýynyń jáne qurylys júrgizýdiń 2023 jylǵa deıingi keshendi jospary jobasyn eskerýmen qalanyń aǵymdaǵy jaǵdaıy men damý keleshegi týraly baıandady. Qalada birqatar áleýmettik mańyzy bar jáne ınfraqurylymdyq nysandardyń qurylysy josparlanǵan. Olardyń qatarynda, áýejaıdyń jańa termınalynyń qurylysy, temir jol vokzalynyń, aınalma joldyń rekonstrýksııasy, qoǵamdyq kólikti jańartý, elektrondy bılet berýdi engizý sharalary bar. Halyqtyń áleýmettik áljýaz toptarynyń turǵyn úı máselelerin sheshý úshin bıyl «Sen jalǵyz emessiń» jobasy iske asyrylyp jatyr, onyń aıasynda demeýshiler esebinen baspanasy joq az qamtylǵan otbasylar úshin turǵyn úıler salý josparlanǵan.

Birinshi qarjy vıse-mınıstri B. Sholpanqulov, ulttyq ekonomıka vıse-mınıstri S. Jumanǵarın, ındýstrııa jáne ınfraqurylymdyq damý vıse-mınıstri Q. О́skenbaev, energetıka vıse-mınıstri M. Myrzaǵalıev, mádenıet jáne sport vıse-mınıstri E. Qojaǵapanov, aýyl sharýashylyǵy vıse-mınıstri E. Nysanbaev, densaýlyq saqtaý vıse-mınıstri O. Ábishev, bilim jáne ǵylym vıse-mınıstri T. Eshenqulov Keshendi jospar sharalary ekonomıkanyń jekelegen baǵyttarynyń damýyna jáne ony iske asyrýdy qarjylyq qamtamasyz etý máselelerine qalaı yqpal tıgizetini týraly baıandady. Baıandalǵan aqparatqa sáıkes, Josparda qala ekonomıkasyn odan ári damytý, turǵyn úı máselelerin sheshý, TKSh jańǵyrtý, qajetti ınjenerlik ınfraqurylym júrgizý, jylýmen, gazben qamtý, sondaı-aq bilim jáne densaýlyq saqtaý salasyndaǵy qyzmetterdiń sapasy men qoljetimdiligin arttyrý boıynsha is-sharalar qarastyrylǵan. Sonymen qatar, áýe qatynastaryn damytý máseleleri týraly «SCAT» áýe kompanııasynyń prezıdenti V. Denısov óz oı-pikirin jetkizdi.

Keńes barysynda Premer-Mınıstr Shymkent qalasynda jeńil ónerkásipti damytý áleýeti zor ekenin, osy jumys sapary barysynda baryp kórgen, AEA-da ornalasqan kásiporyndar oǵan dálel bola alatynyn atap ótti.

Memleket basshysynyń tapsyrmasyna sáıkes, qarapaıym zattar ekonomıkasyn damytýǵa 600 mlrd teńge bólindi, onyń 400 mlrd teńgesi óńdeý ónerkásibine baǵyttalady. Prezıdenttiń atalǵan baǵyttaǵy tapsyrmalaryn oryndaý týraly «Qazaqstandyq ındýstrııany damytý ınstıtýty» AQ basqarma tóraıymy D. Júnisova baıandady.

Talqylaý qorytyndysy boıynsha Premer-Mınıstr qysqa ýaqyt ishinde Keshendi jospardy qabyldaý boıynsha barlyq qajetti rásimderdi aıaqtaýdy tapsyrdy. Bul oraıda, halyqtyń ómir sapasyn jaqsartyp, tabysyn arttyrýǵa erekshe kóńil bólinýi tıis.

«Elbasymyzdyń “Áleýmettik qamqorlyq” jańa áleýmettik bastamalary azamattardyń jeke sanattaryn áleýmettik qoldaýdy kúsheıtýge, kóp balaly otbasylardy turǵyn úımen qamtýǵa, óńirlik ınfraqurylymdy damytýǵa jáne “Aýyl – El besigi” arnaıy jobasyn iske asyrýǵa baǵyttalǵan», — dep A. Mamın, josparlanǵan barlyq qoldaý sharalaryn ýaqytyly kórsetý qajettigin atap ótti.

Sońǵy jańalyqtar

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar