Úkimet • 18 Naýryz, 2019

J. Qasymbek sý tasqyny kezeńine daıyndyq týraly keńes ótkizdi

840 retkórsetildi

QR Premer-Mınıstriniń orynbasary Jeńis Qasymbek ortalyq jáne jergilikti atqarýshy organdardyń 2019 jylǵy sý tasqyny kezeńine daıyndyǵy máseleleri jóninde keńes ótkizdi.

Keńes jumysyna ortalyq memlekettik jáne jergilikti atqarýshy organdardyń ókilderi qatysty.

Qazgıdromettiń kóktemgi sý tasqyny boljamyna sáıkes elimizdiń keıbir óńirlerinde sý deńgeıiniń kóterilýi qaýipteri baıqalady.

QR Ishki ister mınıstrliginiń derekterine sáıkes, sý tasqyny qaýipteri Qaraǵandy, Aqmola, Soltústik Qazaqstan, Batys Qazaqstan, Qostanaı oblystarynda saqtalǵan.  

«Sońǵy 2 aptada 675 km aryq pen arnany tazalaý jumystary júrgizildi. Eldi mekenderden 2 mln 160 myńnan astam tekshe metr qar shyǵaryldy. Almaty, Aqmola, Aqtóbe, Shyǵys Qazaqstan, Jambyl, Qaraǵandy, Qyzylorda, Pavlodar, Soltústik Qazaqstan jáne Túrkistan oblystarynyń avtokólik joldarynda 16 874 sý ótkizgish nysandar tazartyldy», — dedi QR IIM Tótenshe jaǵdaılar komıtetiniń tóraǵasy V. Bekker.

Onyń aıtýynsha, Túrkistan, Jambyl, Qyzylorda, Almaty (jazyq bóligi), Mańǵystaý, Atyraý oblystarynda sý tasqyny qaýipiniń joǵary deńgeıi belgilengen.

О́rtten qutqarý bólimsheleri joǵary daıyndyq ústinde, ońtústik óńirlerden Aqmola, Soltústik Qazaqstan jáne Batys Qazaqstan oblystaryna jóneltýge josparlanǵan qutqarý otrıadtarynyń kúshteri men quraldary esepteldi.

Jalpy, azamattyq qorǵaý organdarynyń barlyq bólimsheleri tolyq ázir.

Indýstrııa jáne ınfraqurylymdyq damý vıse-mınıstri Q. О́skenbaev elimizde kún saıyn patrýldeý jumystary júrgizilip jatqanyn, 400-den astam qaýipti ýchaskeler baqylaýǵa alynǵanyn habarlady. 689 birlik barlyq qajetti tehnıka bekitilgen.

О́z kezeginde aýyl sharýashylyǵy vıse-mınıstri E. Nysanbaev kúndelikti barlyq sý qoımalarynyń jaǵdaıy tekserilip turatynyn aıtty. Búginde sý qoımalary tasqyn sýlardy qabyldaýǵa daıyn. Jalpy alǵanda, jaǵdaı turaqty.  

Energetıka mınıstrliginiń málimetterinshe, Qazaqstan aýmaǵyn qar basý kólemi 7 naýryzdan 15 naýryz aralyǵynda 11% (66%-dan 55 %-ǵa deıin) tómendegen. 7 naýryzdan 14 naýryzǵa deıingi aralyqta Jambyl, Túrkistan, Qyzylorda, Mańǵystaý, Atyraý oblystarynda qar erip ketti. Qalǵan aýmaqtarda qar jabynyndaǵy ylǵal qorynyń kólemi orta eseppen 20-30%-ǵa, keı jerlerde 70%-ǵa deıin azaıǵan (Aqtóbe oblysy), BQO men Aqtóbe oblystarynda topyraqtyń qatý tereńdigi orta eseppen 15 sm-ge kemidi.  

О́ńirlerdegi aǵymdaǵy jaǵdaı men qabyldanyp jatqan sharalar týraly onlaın rejıminde Qaraǵandy, Aqmola, Soltústik Qazaqstan, Qostanaı, Shyǵys Qazaqstan, Batys Qazaqstan oblystarynyń ákimderiniń orynbasarlary baıandady.

Keńes qorytyndysy boıynsha, J. Qasymbek salalyq memlekettik organdarǵa jáne jergilikti atqarýshy organdarǵa turaqty monıtorıng júrgizip, jaǵdaıdy únemi baqylaýda ustap, sonymen qatar turǵyndar arasynda aqparattyq-túsindirý jumystaryn belsendi júrgizýdi tapsyrdy.

«Biz qar eń qatty erıtin kezeńge keldik, bul sý tasqynynyń naǵyz qıyn kezeńi. О́ńirlerde úlken jumystar atqarylyp jatyr, turǵyndardy habardar etý kerek, adamdar ózderiniń qaýipsizdigin qamtamasyz etý úshin qandaı sharalar qabyldaý kerektigin bilýi tıis», — dedi J. Qasymbek.

Premer-Mınıstrdiń orynbasary sonymen qatar úkimettik toptyń sý tasqyny kezeńine ázirligin baqylaý úshin óńirlerge jumys saparlaryn bastaıtynyn habarlady.  

 

Sońǵy jańalyqtar

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar