Aımaqtar • 19 Naýryz, 2019

Pavlodar ákimdiginde aýdıtorlyq tekseris jáne kóliktik baqylaý júrgizý máseleleri talqylandy

805 retkórsetildi

Búgin oblys ákimdiginiń májilis zalynda Qostanaı oblysynyń ákimi A.B. Muhambetovtiń tóraǵalyǵymen oblystyq basqarmalar men departamentterdiń basshylarynyń qatysýymen keńes ótti. Ol kadrlyq taǵaıyndaýlarmen bastaldy. Bul týraly Pavlodar oblysynyń baspasóz qyzmeti habarlady. 

Sonymen, Qostanaı oblystyq máslıhatynyń sheshimimen Kostıýkov Dmıtrıı Anatolevıch - Qostanaı oblysy boıynsha Tekserý komıssııasynyń tóraǵasy bolyp taǵaıyndaldy.

Sondaı-aq, Qazaqstan Respýblıkasy Ulttyq ekonomıka mınıstrliginiń jaýapty hatshysynyń buıryǵymen Estaev Abzal Kýanyshbekuly – Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń Qostanaı oblysy boıynsha departamentiniń basshynyń mindetin atqarýshysy bolyp taǵaıyndaldy.

Keńeste kún tártibindegi eki másele turdy.

Birinshi «2018 jylǵa arnalǵan Qostanaı oblysy boıynsha Tekserý komıssııasynyń ótkizilgen aýdıtorlyq is-sharalarynyń nátıjeleri týraly» máselesi boıynsha Qostanaı oblysy boıynsha tekserý komıssııasynyń jańa ǵana taıyndalǵan tóraǵasy esep berdi.

Kostıýkov ótkizilgen aýdıtorlyq is-sharalardyń sany týraly, aýdıt qorytyndysy boıynsha anyqtalǵan buzýshylyqtardy jáne qabyldanǵan sharalar týraly baıandady. Sondaı-aq, Kostıýkov aýdıt buzýshylyqtaryn jibergen obektilerdiń aldyn-alý, eskertý jáne túsirý týraly jáne memlekettik aýdıttiń sapaly júrgizilýi týraly aıtty.

Sonymen qatar ol júıeli túrde jiberiletin buzýshylyqtar týraly da málimdedi.

Tekserý komıssııasynyń tóraǵasy: «Eńbekaqyny, demalys jalaqysyn jáne basqa tólemderdi negizsiz esepteý jáne aýdarý; avtokólik quraldarynyń shekteý normalary men júrý lımıtin saqtamaý; issapar shyǵyndaryn esepteý jáne tóleýde jiberilgen buzýshylyqtar júıeli túrde anyqtalýda. Sondaı-aq bıýdjet qarajatyn tıimdi paıdalanbaý týraly» aqparattardy jipke tizip berdi.

«Qostanaı oblysy boıynsha kóliktik baqylaý ınspeksııasynyń   2018 jylǵa arnalǵan qyzmeti týraly» máselesi boıynsha Qostanaı oblysy boıynsha kóliktik baqylaý ınspeksııasynyń basshysy J.Q. Arapbaev sóz sóıledi.

Ol ınspeksııa qyzmetiniń baǵyty jáne 2018 jyly atqarylǵan jumys týraly aıtyp berdi.

«Inspeksııa Qazaqstan Respýblıkasynyń zańnamasyna sáıkes, Qazaqstan Respýblıkasynyń kólik salasyndaǵy zańdardy jáne ózge de normatıvtik quqyqtyq aktilerdiń saqtalýyn óz quzyreti sheginde qamtamasyz etetin fýnksııalardy oryndaıdy. Osylaısha, 2018 jyly barlyǵy  1614 ákimshilik quqyq buzýshylyq anyqtaldy, al jeke jáne zańdy tulǵalar 98,603 myń teńge aıyppul túrinde ákimshilik jaýapkershilikke tartyldy, onyń 85 656 myń teńgesi jınaldy, bul 87% quraıdy» dedi Arapbaev.

Oblys ákimi Arhımed Muhambetov qorytyndylaı kele, bıýdjet qarajatyn tıimdi paıdalaný máseleleri mańyzdy ekenin jáne qalalar men aýdandar ákimderine barlyq baǵyttar boıynsha únemi baqylaýda ustaý kerektigin tapsyrdy.

Oblys ákimi Qostanaı oblysynda kóliktik baqylaý máselesi boıynsha aıyppul turaǵy men avtokólikterdi ólsheıtin arnaıy oryndardy qurý máselesin qarastyrýdy, sondaı-aq kele jatqan sý tasqyny kezeńinde aýyr kólik quraldarynyń qozǵalysyn baqylaýdy kúsheıtýdi tapsyrdy.

Sońǵy jańalyqtar

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Tasqynǵa – tosqyn

Aımaqtar • Búgin, 13:25

Uqsas jańalyqtar