19 Naýryz, 2019

Halyqaralyq dıalog: qosymsha bilim kókjıekteri

797 retkórsetildi

Oqýshylar saraıynda «Qosymsha bilim berý: bolashaqqa kózqaras» atty halyqaralyq qurylymdyq dıalog ótti. 

Oǵan Bilim jáne ǵylym mınıstrliginiń jaýapty mamandary, «Nur Otan» partııasynyń Ulttyq kásipkerler palatasynyń, ata-analar uıymynyń, Eýrazııalyq qaýymdastyǵynyń Reseı, Belarýs jáne Qyrǵyzstandaǵy ókilderi,  mektepter basshylary  men úkimettik emes uıymdardyń jetekshileri qatysty.

Parlament senatynyń depýtaty Sáýle Aıtbaeva elimizde mektepten tys 1303 uıym men bilim ordalarynda 63 myńnan astam úıirme jumys isteıtinin jetkizdi. Balalardyń 82,8 prosenti qosymsha bilimmen qamtylǵan. «Tórtinshi ónerkásiptik revolıýsııa jaǵdaıynda damýdyń jańa  múmkindikteri» Joldaýy aıasynda  60 myńnan  astam oqýshy baratyn 17 tehnopark pen  16  bıznes-ınkýbator ashyldy. Ústimizdegi jyly  tehnoparkteriniń sany – 25, bıznes-ınkýbatorlar 18-ge jetkizilip,  120 myń balany qamtıtyn bolady.

Oblys ákiminiń orynbasary Madııar Qojahmet óz sózinde qosymsha bilim berýdiń mańyzyna toqtaldy.

«Byltyr paıdalanýǵa berilgen Oqýshylar saraıy qosymsha bilim berýdiń zor múmkindikterine jol ashyp otyr . Munda Qazaqstan men Reseıdiń HV óńiraralyq yntymaqtastyq forýmy ótti. Budan ózge  mádenı jáne iskerlik qarym-qatynastardyń ortalyǵyna aınalǵanyn aıta ketken jón. О́ńirimizde 40 myńnan astam bala qosymsha bilimmen qamtamasyz etilse, Petropavlda oqýshylardyń 90 prosenti sabaqtan tys úıirmelerge qatysady», dedi Madııar Dúısenbaıuly.

Bilim basqarmasynyń basshysy Gúlmıra Kárimova jınalǵandardy Oqýshylar saraıynyń jumysymen tanystyrdy.

Shara barysynda erekshe bilim berý qajettilikteri bar balalardy oqytýda qoldanylatyn ınnovasııalar, Win-win strategııasy, beıneleý ónerinde IT-tehnologııalardy paıdalaný jaıly keńinen maǵlumattar berildi. Sondaı-aq, jıynda balalardy oqytýda tehnıkalyq jáne kásipkerlik baǵyttarynyń zamanaýı úlgilerin, jalpy orta jáne qosymsha bilimniń túrli kiriktirilý formalaryn engizý máseleleri talqylandy. Sonymen qatar jasóspirimderdiń arasynda STEM-bilim berý júıesin damytý, sándik-qoldanbaly ónerdi, án men bıdi estetıkalyq tárbıe berýde utymdy qoldaný jaıly aıtyldy.

Halyqaralyq dıalog sońynda qosymsha bilim berýdiń damý baǵyttaryn anyqtaıtyn tıisti usynymdar ázirlendi.

О́mir ESQALI,

«Egemen Qazaqstan»

Soltústik  Qazaqstan oblysy

Sońǵy jańalyqtar

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Tasqynǵa – tosqyn

Aımaqtar • Búgin, 13:25

Uqsas jańalyqtar