О́z sózinde A.Mamın Elbasy N.Nazarbaevtyń tapsyrmasyna sáıkes «Nurly jer» baǵdarlamasyna ózgeris engizý qajettigin atap ótti.
«Elbasynyń áleýmettik qamqorlyq sharalaryn iske asyrý aıasynda 5 jyldyń ishinde jyl saıyn 6 myńǵa jýyq kópbalaly otbasy úımen qamtamasyz etiledi. 1 mamyrdan bastap páter bólýdi bastaımyz», dedi Úkimet basshysy.
Sonymen qatar Prezıdenttiń áleýmettik bastamasyna sáıkes muqtaj otbasylarǵa turǵyn úı nesıeleri Qazaqstan Turǵyn úı qurylys jınaq banki arqyly beriletinin habarlady. «Eki jylda 22,5 myń otbasy jeńildikpen nesıe alady», dedi Premer-mınıstr.
Budan bólek, A.Mamın qurylystaǵy otandyq kásipkerlerdiń úlesin 90 paıyzǵa deıin arttyrýdy tapsyrdy.
«Úkimettiń keńeıtilgen otyrysynda Elbasy qurylystaǵy otandyq úlesti ulǵaıtý mindetin qoıdy. Otandyq qurylys materıalyn shyǵarý –«qarapaıym zattar ekonomıkasy» baǵdarlamasynyń arnaıy baǵyty. Onyń oryndalýyna 600 mıllıard teńge kóleminde qarajat bólinip otyr. Bul úshin jeńildikpen qarjylandyrý boıynsha memlekettik qoldaý sharalary kózdelgen. Osy baǵytta jańa jobalardy damytý kerek», dedi Premer Mınıstr.
Sondaı-aq Úkimet basshysy jergilikti ónimdi paıdalaný ekonomıkanyń basqa salalaryna keńinen áser etip, jańa jumys oryndaryn qurýǵa múmkindik beretinin jetkizdi.
«Túrkistan qalasynda aýqymdy qurylys júrip jatyr. Osy jerde qurylys materıaldaryn shyǵarý boıynsha jobalardy júzege asyrý qajet. Biz bul máseleni О́mirzaq Estaıulymen talqyladyq. Jalpy, osyndaı óndiristerdi barlyq óńirlerde uıymdastyrý qajet. Baqylaý Jeńis Mahmudulyna júkteledi», dedi A.Mamın.
