Qazaqstan • 19 Naýryz, 2019

Bilim mınıstri «Naýryz kanıkýlyn» engizýge qatysty pikir bildirdi

1884 retkórsetildi

Bilim jáne ǵylym mınıstri Kúlásh Shámshıdınova III jáne IV toqsan arasyndaǵy demalystardy beri qaraı jyljytyp, oqýshylar men stýdentterge Naýryz meıramyn toılaýǵa 10 kún berý máselesine qatysty pikir bildirdi. Bul týraly QazAqparat habarlady.

Atalǵan usynysty Mádenıet jáne sport mınıstri Arystanbek Muxamedıuly jasaǵan bolatyn.

«Mysaly, kúntizbelik Jańa jyl - 1 qańtar óziniń myqty ıdeologııasymen, san alýan belgilerimen otbasylyq merekege aınalǵany málim. Bul oraıda, stýdentter men oqýshylardyń ulttyq meıramdy otbasynda, jaqyndarynyń janynda qarsy alýǵa múmkindik týǵyzý maqsatynda 14-23 naýryz aralyǵynda (10 kún) naýryz demalysy belgilenýi tıis. Bul jerde mektep oqýshylarynyń burynǵy 24 naýryz ben 1 sáýir aralyǵyndaǵy III-toqsan demalysy on kúnge jyljyp, olar osy Naýryz meıramyn otbasymen, aǵaıyn-týmalarymen qarsy alýǵa múmkindik alar edi», - dep jazdy A.Muxamedıuly áleýmettik jelidegi paraqshasynda. 

Onyń sózine qaraǵanda, onkúndik demalysty beri qaraı jyljytsa, III jáne IV toqsannyń tepe-teńdigin de saqtaýǵa múmkindik bar. Máselen, III toqsan 10 qańtar men 24 naýryz aralyǵyndaǵy 74 kúndi qamtıdy, al IV toqsan 1 sáýir men 24 mamyrdy alyp otyr. Ol - 54 kún. Jańa nusqa boıynsha oqýshylar men stýdentterdiń 10 kúndik demalysy beri qaraı jyljyp, 14-24 naýryzǵa kelse, III toqsan (64 kún) jáne IV toqsan (61 kún) teńesedi. Al qazaqstandyqtar Naýryz meıramyn jańasha toılaı alady. 

Bilim jáne ǵylym mınıstri Kúlásh Shámshıdınovanyń aıtýynsha, atalǵan máseleni jan-jaqty zerdeleý kerek. Sebebi oqý baǵdarlamasyna sáıkes, árbir toqsannyń óz jospary bar.

«Biz ony áli qaraǵan joqpyz, qaraýymyz qajet. 10 kúndi jyljytý bolǵanymen, bizde naqty oqý baǵdarlamasy bar. Al III toqsannyń josparyn aıaqtaý qajet. Eger ony ózgertetin bolsaq, oqý baǵdarlamasynyń materıalyn II toqsanǵa kóterýimiz kerek nemese IV toqsanǵa túsirýimiz kerek. Sol sebepti onyń bárin qaramaı, qazir birden aýystyra salamyn dep eshkim aıta almaıdy. Oqý baǵdarlamasyn árbir synyp boıynsha qaraý qajet.  Árbir synyptyń baǵdarlamasyn jeke-jeke qaraýymyz kerek», - dedi K.Shámshıdınova.

Sońǵy jańalyqtar

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Aqyndardan jeriný

Ádebıet • Búgin, 17:37

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Tastarǵa jan bitirgen sýretshi

О́ner • Búgin, 15:38

Ýálıhan QALIJANOV. Koronavırýs

Ádebıet • Búgin, 15:28

Meni kórseńder, qashyńdar!

Ádebıet • Búgin, 15:26

Alkogol ónimderi koronavırýstan qorǵaı ma?

Koronavırýs • Búgin, 15:24

Talap barshaǵa birdeı

Aımaqtar • Búgin, 15:17

Uqsas jańalyqtar