Dástúrli túrde ótetin bul sharanyń maqsaty – Ishki ister organdaryna endi ǵana qabyldanǵan jas qyzmetkerlerin, departamenttiń jeke quramyn otansúıgishtikke, patrıottyq ónege tárbıeleý bolyp tabylady.
Saltanatty sharaǵa Ishki ister organyna jaqynda qabyldanǵan 60-qa jýyq jas qyzmetker, olardyń tálimgerleri jáne jas qyzmetkerlerdiń ata-analary qatysty. Qyzylorda OPD-men qatar sharaǵa oblystaǵy barlyq aýdandyq Ishki ister bólimderi, Qyzylorda QPB jáne Mamandandyrylǵan kúzet qyzmeti basqarmasy memlekettik mekemesi, IIO ardagerleri, Qyzylorda oblysy boıynsha Qylmystyq atqarý júıesi departamenti qyzmetkerleri de atsalysty.
Jıynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti basshysynyń orynbasary Berikbol Baıhojaev baıandama oqydy. Sonymen qatar Qorqyt ata atyndaǵy Qyzylorda memlekettik ýnıversıtetiniń tarıh fakýltetiniń aǵa oqytýshysy saıası ǵylymdardyń kandıdaty Sáýlet Sahıev Elbasynyń «Bolashaqqa baǵdar, Rýhanı jańǵyrý» baǵdarlamasy jáne Joldaýy boıynsha baıandama jasady.
Shara kezinde jas qyzmetkerlerdiń arasynda «Dınamo» DShSQ tırinde ár bólinistiń jas mamandary men tálimgerleri arasynda saıys ótip, jeńimpazdar marapattaldy.
Qatysýshylarǵa departament qyzmetkerleriniń kúshimen daıyndalǵan qarý-jaraq kórmesi jáne oqytý-úıretý beınerolıgi kórsetildi.
Merekelik shara sońynda sletke qatysýshylarǵa departamenttiń Jedel josparlaý ortalyǵynyń jumysy, Departamenttiń murajaıy jáne «112» dıspetcherlik qyzmeti tanystyryldy. Sonymen qatar qyzmet babynda qaza bolǵan polısııa qyzmetkerlerin eske alyp, eskertkishke gúl shoqtary qoıyldy.
