Muhıt Ázirbaev Almaty qalasynda týylǵan. T. Rysqulov atyndaǵy Qazaq ekonomıkalyq ýnıversıtetiniń túlegi. Jeke sektordaǵy jumysta mol tájirıbe jınaqtaǵan. Túrli jyldary «Qýat-Agro» agroholdıngtik kompanııanyń bas dırektory, «Global Building Contract» JShS Qadaǵalaý keńesiniń tóraǵasy bolǵan, «ABN AMRO Bank» jáne «Kazkommersbank» AQ laýazymdy qyzmetter atqarǵan. 2017 jyldan «Almaty» áleýmettik-kásipkerlik korporasııa basqarmasynyń tóraǵasy.
Basqarmanyń jańa basshysynyń aldyna Almaty ekonomıkasyn turaqtandyrýdy kúsheıtý, báskelestikti arttyrý, onyń ishinde ShOB úlesin ulǵaıtý, ınvestısııa tartý jáne ekonomıkanyń salalaryn dıversıfıkasııalaý mindetteri qoıyldy.
Bulardyń ishinen halyqtyń az qamtylǵan toby úshin ishki naryqty qoljetimdi áleýmettik mańyzy bar taýarlarmen toltyrýǵa, joǵary tehnologııaly jáne eksportqa baǵyttalǵan jobalar úshin ınvestısııa tartýǵa aıryqsha nazar aýdarylady.
Bulardan ózge, qala ákimi ınvestısııalyq ahýaldy jaqsartý úshin kásipkerlikti damytý jolyndaǵy jumysty barynsha qarqyndy júrgizýdi tapsyrdy. Olar - ákimshilik kedergilerdi qysqartý,bıznes úshin qarjy kózderin qoljetimdi etý, ınvestorlar quqyǵyn qorǵaý, ókiletti organdardyń ashyqtyǵy úshin sıfrly tehnologııany engizý jáne basqalary.
