V mereıtoılyq baıqaýǵa Qazaqstannyń ár aımaǵynan 150-den astam qatysýshy keledi. Osy jyly baıqaý kásibı ujymdar, joǵary oqý oryndarynyń horeografııa fakýltetteri men kafedralarynyń ansamblderi arasynda ótedi.
Baıqaý baǵdarlamasy aımaqtyq ansamblderdiń repertýarymen, horeograftardyń jańa izdenisterimen tanysýǵa, jarqyn oryndaýshylardy anyqtaýǵa, qatysýshylarǵa qazaq bıi salasyndaǵy shyǵarmashylyq jetistikterimen, kásibı tájirıbemen jáne bilimmen ózara almasýǵa múmkindik beredi.
Úsh kúnge sozylatyn baıqaýda qatysýshylar úshin qazaq bıiniń jetekshi pedagogtarynyń sheberlik synyptary, «Qazaq bıi» derekti fılmi, Qazaq KSR eńbek sińirgen ártisi, professor Toıǵan Izimniń jeke kolleksııasynan sahnalyq kostıýmder kórmesi jáne Qazaq ulttyq horeografııa akademııasynyń Qazaq bıi zerthanasynyń tusaýkeseri ótedi.
Jeńimpazdar 29 naýryz kúni «Astana Balet» teatrynda ótetin gala-konsertte jarııalanady.
