Jalpy, respýblıka boıynsha 2019 jyldyń 13 naýryzyna 33 121 salyq tóleýshi bıýdjetke 2018 jyldyń 1 qazanynda bolǵan jalpy somasy 7,3 mıllıard teńgeni quraıtyn negizgi qaryzyn tólegen. Bul salyq tóleýshiler boıynsha 1,6 mıllıard teńge ósimpul jáne 208,0 mıllıon teńge aıyppul esepten shyǵarylady.
Al qazirge deıin 8 283 salyq tóleýshi boıynsha 587 mıllıon teńge somasynda ósimpul, úsh salyq tóleýshi boıynsha 219 myń teńge somasynda aıyppul esepten shyǵarylyp úlgerdi.
Júrgizilip jatqan salyqtyq amnıstııa aıasynda 714,5 mıllıon teńge negizgi qaryzyn tólegen Atyraý oblysynyń kásipornyna 89 mıllıon teńge ósimpuly keshirildi. Osy oblysta 480 teńge salyq bereshegin tólegen jeke kásipkerdiń 10 myń teńge ósimpuly esepten shyǵaryldy.
2019 jyldyń 1 qańtarynan bastap shaǵyn jáne orta bıznes sýbektileri úshin salyqtyq raqymshylyqty júrgizýdi qarastyratyn Zań kúshine engeni belgili. Al 2019 jyldyń 8 aqpanynan bastap Beresini tólegen jaǵdaıda ósimpul men aıyppul somasyn esepten shyǵarý qaǵıdalary qoldanysqa engen bolatyn.
Aldyn-ala derekter boıynsha 2018 jylǵy 1 qazandaǵy jaǵdaıǵa sáıkes 340,6 mlrd teńge salyq bereshegi bar 90 077 shaǵyn jáne orta bıznes sýbektileri (31 210 zańdy tulǵalar jáne 58 867 dara kásipkerler) rahymshylyqqa jatady.
Bul rette, shaǵyn jáne orta bıznes sýbektileriniń memlekettik kirister organdaryna barýdyń qajeti joq: ósimpuldar men aıyppuldar salyq tóleýshiniń ótinishinsiz esepten shyǵarylady. Ońaltý rásimindegi jáne salyqtar boıynsha tóleý merzimin uzartqan salyq tóleýshilerge qatysty rahymshylyq qoldanýdyń tártibi basqasha.
