Tól ónerimiz boıynsha qart qurlyqtyń tuńǵysh birinshiliginiń tusaýy byltyr Grýzııanyń Batýmı qalasynda kesilgen bolatyn. Sol jarysta 21 memleketten kelgen 80 balýan jarys kórigin qyzdyrdy. Júldeler toǵyz salmaq dárejeleri boıynsha sarapqa salyndy. Osy básekelerdi basynan aıaǵyna deıin tamashalaǵan osy saladaǵy laýazymdy tulǵalar, qurmetti meımandar, bapkerler men sportshylar jáne qatardaǵy qarapaıym kórermender Qap taýy baýraıynda ótken dúbirli dodanyń uıymdastyrylý deńgeıine joǵary baǵa bergen edi.
Bıylǵy jarystyń da keremet ótetinine eshkimniń kúmáni joq. Halyqaralyq qazaq kúresi federasııasy bas dırektorynyń keńesshisi Ulan Rysquldyń aıtýynsha, búgingi tańda ulttyq ónerimizdi órkendetip, kúlli álemde keńinen nasıhattaý baǵytynda kóptegen ıgi sharalar júzege asyrylýda.
Ǵalym SÚLEIMEN,
«Egemen Qazaqstan»
