«Búgingi kúni el ekonomıkasynda 6,6 mıllıonǵa tarta jaldamaly jumysker jumys isteýde, belsendi jumys istep turǵan 165 myń kásiporyn bar. Bul azamattardyń eńbek quqyqtaryn qorǵaý jáne eńbek qatynastaryn retteý qaı qoǵamnyń bolsa da ózekti máselesi. О́zderińizge belgili, Dúnıejúzilik ekonomıkalyq forým «eńbek naryǵynyń tıimdiligin» jahandyq básekege qabilettilik ındeks tizbesine engizip, jyl saıyn jumys berýshiler arasynda táýelsiz saýalnama júrgizip keledi» dedi mınıstr.
Sondaı-aq B.Saparbaev 2018 jyly osy uıymnyń júrgizgen saýalnamasynyń qorytyndysy boıynsha Qazaqstan 140 memlekettiń arasynda 35-orynnan 30-orynǵa kóterilgenin aıtyp ótti.
«Prezıdenttiń 2018 jylǵy 5 qazandaǵy Joldaýyna sáıkes 2019 jylǵy 1 qańtardan bastap eń tómengi jalaqy 1,5 esege nemese 42, 5 myń teńgege arttyryldy (2018 jylǵy 1 qańtardan bastap ETJ 28 284 teńgeni quraıdy). Jaldamaly jumyskerlerdiń ortasha nomınaldy jalaqysy 176 myń teńgeni quraıdy» dedi mınıstr B.Saparbaev.
