«Eńbek salasyndaǵy qazirgi jaǵdaıdy Mınıstrlik Eńbek táýekelderi kartasy boıynsha baǵalaıdy, onyń sheńberinde monıtorıngpen táýekel aımaǵynda ornalasqan 100 myńnan astam jumyskerleri bar 200-den astam kásiporyn qamtylady. Karta nátıjeleri jaǵdaıdy aı saıyn damytýdyń múmkin sharalaryn eskere otyryp, den qoıý sharalaryn qabyldaýmen taldaý júrgiziledi», dedi Eńbek jáne halyqty áleýmettik qorǵaý mınıstri B. Saparbaev.
Mınıstr júrgizilgen jumystyń nátıjesinde sońǵy jyldary eńbek janjaldarynyń 5 ese tómendegenin aıtyp ótti.
Atalǵan baǵyttaǵy jumysty kúsheıtý úshin Mınıstrlik Eńbek janjaldaryn sheshý jáne aldyn alý jónindegi is-sharalarynyń jańa josparyn ázirledi. Jospar sheńberinde memlekettik organdardyń jáne áleýmettik áriptesterdiń eńbek janjaldarynyń aldyn alý boıynsha ózara is-qımyl algorıtmi ázirlendi.Barlyq áleýmettik áriptesterdiń kúshimen jumys berýshiler men jumyskerlerdi kelissózder júrgizý mashyqtaryna jáne konsensýsqa qol jetkizýge oqytý júrgiziledi», dedi ol.
Sonymen qatar Mınıstr jumys berýshiler birlestikteriniń eńbek daýlarynyń aldyn alý boıynsha jumysy barynsha belsendendirilip, jumys berýshilerdiń respýblıkalyq, salalyq birlestikteri janynda «eńbek ombýdsmeni» ınstıtýty qurylatynyn atap ótti.
«Jergilikti atqarýshy organdar, kásipodaqtar men jumys berýshiler úshin nysanaly ındıkatorlardy anyqtaý maqsatynda eńbek janjaldaryn boldyrmaý boıynsha Sizdiń tapsyrmańyz boıynsha, Asqar Uzaqbaıuly, 2018 jyly óńirlerde, onyń ishinde Sizdiń qatysýyńyzben Qaraǵandy qalasynda Forýmdar ótkizildi», dedi B. Saparbaev.
