«Memlekettik eńbek ınspektorlarynyń tekserýleri jumys berýshilerdiń kóbisi eńbek zańnamasynyń talaptaryn saqtamaıtynyn kórsetti. О́tken jyly eńbek ınspektorlary 12 myń buzýshylyqty aıqyndady» dedi B.Saparbaev.
Onyń aıtýynsha, jumyskerlerdiń aldynda jalaqy boıynsha bereshekti óteý máselesi erekshe baqylaýda. 2018 jyly memlekettik eńbek ınspektorlary jalaqy boıynsha 1,2 myń kásiporynda 3,7 mlrd teńgeden astam somaǵa jalaqy boıynsha bereshekti aıqyndaǵan. Den qoıý boıynsha qabyldanǵan sharalar nátıjesinde 32 myńnan astam jumyskerdiń quqyqtary qorǵalyp, olarǵa 3,2 mlrd teńge tólengen.
«Búgingi kúni jergilikti atqarýshy organdardyń málimetteri boıynsha bereshek 1,7 mlrd teńgeni quraıdy, onyń 75% ońaltýdaǵy bankrot kásiporyndarǵa (1,3 mlrd teńge) tıesili. Jumys isteıtin kásiporyndar boıynsha 1,4 myń jumyskerdiń aldyndaǵy bereshek 410 mln teńgeni quraıdy. Eń kóp bereshek Aqtóbe (83,2 mln teńge), Jambyl (72,3 mln teńge) Qaraǵandy (51,8 mln teńge) oblystarynda» dedi mınıstr.
Sondaı-aq ol ákimdikter jumys berýshilerdi bereshekti óteý grafıgin belgileı otyryp, jumyskerlerdiń jalaqy qoryn maqsatsyz paıdalaný faktileri boıynsha baqylaýdy qatańdatý qajet ekenin atap ótti.
«Jalaqy boıynsha bereshekti óteýdiń nátıjeliligin arttyrý maqsatynda Mınıstrlik memlekettik eńbek ınspektorlarynyń uıǵarymyn sot oryndaýshylarynyń atqarý qujattarynyń tizbesine qosý máselesin sheshýde. Bul olardy sot sheshimderimen teńestirýge jáne olardyń májbúrlep oryndalýyn qamtamasyz etýge múmkindik beredi. Qazirgi ýaqytta zań jobasy Parlament Májilisiniń qaralýynda» dedi Eńbek jáne halyqty áleýmettik qorǵaý mınıstri.
Mınıstrliktiń aqparatyna súıensek, beıresmı eńbek qatynastarynyń saqtalýyna nazar aýdarýǵa týra keledi. Sońǵy 2 jyl ishinde eńbek ınspektorlary eńbek sharttaryn jasaspaı jumyskerlerdiń eńbegin paıdalanǵan myńnan astam jumys berýshilerdi aıqyndady.
Atalǵan problemany eskere otyryp, Mınıstrlik 2018-2019 jyldary «Eńbek shartyn jasa» atty jalpy respýblıkalyq aksııany júrgizýge bastamashylyq jasady. О́tken jyly aksııa sheńberinde 40 myńnan astam eńbek sharty jasaldy.
«Qazaqstan Respýblıkasy Prezıdentiniń 2018 jylǵy 5 qazandaǵy Joldaýyn oryndaý sheńberinde Mınıstrlik jergilikti atqarýshy organdarmen birlesip jalaqysy tómen jumyskerlerdiń jalaqysyn arttyrý boıynsha jumys júrgizýde. Ákimdikterdiń aqparaty boıynsha 2019 jyly 14 naýryzda 184,6 myńnan astam jumys berýshiler 958 myń jalaqysy tómen jumyskerlerdiń jalaqysyn arttyrdy, onyń 1690 kásiporny iri kásipkerlik, 2,5 myń - ortasha, 180 myń shaǵyn kásipkerlik sýbektileri» dedi ol.
Sondaı-aq kórsetilgen kásiporyndar boıynsha jalaqysy tómen jumyskerlerdiń ortasha jalaqy mólsheri 33% arttyryldy ( 43 myńnan 57,5 myń teńge deıin). Shymkent qalasynda kásiporyndardyń qamtylýy tómen, onda 33 iri kásiporyn ǵana jalaqysy tómen jumyskerlerdiń jalaqysyn arttyrdy (jalaqysy tómen jumyskerleri bar 97 kásiporyn), Mańǵystaý oblysynda – 22 (91).
