«ARUANA» Qazaqstan áıelderiniń quryltaıy» zańdy tulǵalar men jeke kásipkerler birlestigin qurýdaǵy maqsat – áıelderdiń, otbasylar men balalardyń máselelerin sheshý maqsatynda áıelder bastamalaryn shoǵyrlandyrý bolyp otyr.
«Sońǵy aıdaǵy oqıǵalar respýblıkamyzda áıelderdiń, otbasylar men balalardyń máselelerine jalpy taldaý júrgizip, basqa uıymdarymen dáneker retinde júıeli túrde jumys jasaıtyn uıymnyń joqtyǵyn ashyp kórsetti. Qazaqstan tarıhynda mundaı birlestikterdi qurý týraly bir-eki ret umtylys jasaldy, alaıda bastamadan ary jumys júrgen joq. Sondyqtan da biz Quryltaıdy qurýdy sheshtik jáne áıelderdiń, otbasylar men balalardyń máselelerin sheshýmen aınalysyp júrgen barlyq qazaqstandyq uıymdardy ortaq kúsh biriktirýge shaqyryp otyrmyz! Áıelderdiń sózi kúshti ári senimdi túrde shyǵýy kerek», – dedi baspasóz májilisiniń ashylýynda «Ihlas Jurek» qoǵamdyq qaıyrymdylyq qory qamqorshylar keńesi tóraǵasynyń mindetin atqarýshy Toǵjan Qojalıeva,
«ARUANA» Qazaqstan áıelderi quryltaıy aldymen áleýmettik zertteý júrgizý arqyly áıelder arasyndaǵy eń ózekti degen 10-15 máseleni anyqtap alady.
Aldymen otbasy jáne áıelderdiń máselelerin sheshýge baǵyttalǵan memlekettik jáne ulttyq baǵdarlamalarǵa taldaý jasalady. Osydan keıin jalpy sheshimder qabyldanyp, retimen júzege asady.
Birinshi kezekte áıelderge arnalǵan barlyq ÚEU anyqtamalyq kitabyn daıyndap shyǵarý da kózdelgen.
Sondaı-aq áıelderdiń, otbasylar men balalardyń máselelerin sheshýge arnalǵan qoldanystaǵy baǵdarlamalar jóninde, áıelder quqyǵy, bilim berý jáne áıelder arasyndaǵy kásipkerlikti qoldaý jóninde keńes beretin ortalyqtardy uıymdastyrý qarasyrylǵan.
Aınash ESALI,
«Egemen Qazaqstan»
ALMATY
