Osy bı dodasynda erekshe bı mánerimen kózge túsken «Esma» bı stýdııasynyń bıshileri Talǵar aýdany Tuzdybastaý aýylyndaǵy №13 jáne 31 mektepterdiń jáne de jaqyn aýyldardan jınalǵan ónerpazdar. Birneshe topta óner kórsetken «Esma» bıshiler komandasynyń mektepke deıingi toby «Kóktem» bıimen I oryndy ıelense, «Vesennıı lotos» bıimen II, ózbek bıimen III oryndy enshiledi. «Esma» bıshiler tobynyń jetekshisi Áıgerim Myrzahmetovanyń aıtýynsha, kishkentaı bıshiler Astana qalasynda ótetin halyqaralyq «Reıtıng ýspeha» baıqaýynda kásibı toptar arasynda jarysqa túsýge qyzý daıyndyqty bastap ketipti.
Bı óneriniń baspaldaǵynda turǵan ónerpaz qyzdarǵa Astana tórinen júldemen oralýǵa sáttilik tileımiz!
Elvıra SERIKQYZY,
«Egemen Qazaqstan»
