Aımaqtar • 19 Naýryz, 2019

Shymkenttegi mektepte bolǵan jappaı ýlanýdy qala ákimi tikeleı qadaǵalaýǵa aldy

1378 retkórsetildi

Kúni keshe Shymkent qalasyndaǵy №54 orta mektepte belgisiz ıistiń áserinen jappaı ýlaný faktisi bolyp, 45 adam dárigerlerdiń kómegine júgingen edi. Oqıǵa ornyna shuǵyl jetken Tótenshe jaǵdaılar departamenti ókilderi, polıseıler, dárigerler, gaz taratý mekemeleriniń qyzmetteri jasóspirimderdiń jappaı ýlaný sebepterin anyqtaýǵa kirisken. Mamandar mektep ishi men aýlasyndaǵy aýanyń synamasyn alyp, laboratorııalyq tekserýden ótkizgen. Alaıda, tabıǵı gazdyń taralýy jónindegi boljam rastalǵan joq.

T.Orynbaev atyndaǵy oblystyq gıperbarıkalyq oksıgenasııa ortalyǵy oqýshylardyń aýrý belgilerine negizdelip, ýlaný sebebin gazdyń aýaǵa taralýynan paıda bolǵan degen boljam aıtty.

«Barlyǵy toksıkologııalyq aýrýhanaǵa 45 naýqas tústi. Onyń ishinde 4 eresek jáne 41 bala. Barlyǵyna medısınalyq jáne psıhologııalyq kómek kórsetildi. Dárigerler medısınalyq kómek kezinde baqylaýdy kúsheıtip, kezekshi dárigerlermen qatar 2 toksıkolog maman qosymsha medısınalyq qyzmet kórsetti. Buǵan qosa 3 psıholog dáriger oqýshylarmen jeke-jeke jumys istep shyqty. Aýrýhanaǵa jetkizilgen 45 naýqasqa qajetti medısınalyq kómek kórsetilip, qanaǵattanarlyq jaǵdaıda úılerine shyǵaryldy. Qosymsha turǵylyqty jeri boıynsha naýqastar emhana dárigerleriniń baqylaýynda bolady. Aldyn ala boljam boıynsha «tabıǵı gazdyń komponentterimen ýlanýdyń jeńil dárejesi» dıagnozy qoıylǵan» deıdi Shymkent qalalyq Densaýlyq saqtaý basqarmasy bastyǵynyń mindetin atqarýshy Ǵalymjan Ábishov.

Zardap shekken oqýshylar men muǵalimder «synyp bólmelerinde jáne mektep aýlasynda jaǵymsyz ıis sezildi» deıdi. Barlyǵynda derlik bas aınalý, kózdiń jasaýrap qyzarýy, bas aýrýy baıqalǵan. Oqıǵa ornyna jedel járdem qyzmeti kelip, ýlanǵandardyń barlyǵyna medısınalyq kómek kórsetken.

Shymkent qalalyq Bilim basqarmasynyń basshysy Aqerke Abylaıhannyń aıtýynsha, ýlaný tek bir ǵana synypta emes, basqa da synyp oqýshylarynda baıqalǵan. Bólmede jáne mektep aımaǵynda jaǵymsyz ıis sezilgen. Áý basta mektep ujymy belgisiz ıisti aýaǵa taralǵan gaz dep túsingen. Gaz kompanııasynyń qyzmetkerleri mektep pen avtonomdy qazandyqty teksergendigin, tabıǵı gazdyń aýaǵa jaıylmaǵandyǵyn alǵa tartty.

Sanıtarlyq-epıdemıologııalyq qyzmettiń mamandary «aýa quramyn, mekteptiń synyp bólmelerin zerttep shyqtyq, adam aǵzasyna zııandy bógde zattardyń belgileri anyqtalmady» deıdi.

Esterińizge salar bolsaq, 18 naýryz kúni saǵat 16:50 shamasynda Shymkent qalasyndaǵy №54 orta mektepte belgisiz ıistiń áserinen jappaı ýlaný faktisi bolǵan. Tótenshe jaǵdaıdyń saldarynan ýlaný belgileri bar 45 adam qalalyq №6 emhananyń toksıkologııa bólimine jetkizildi.

Jetkizilgen naýqastarǵa medısınalyq kómek kórsetilip, jaǵdaılary jaqsarǵannan keıin úılerine jiberildi. Zardap shekkenderge turǵylyqty mekenjaıy boıynsha ýchaskelik dárigerler bekitildi.

Búgin osy mektepke tıisti sala jetekshilerimen birge Shymkent qalasynyń ákimi Ǵabıdolla Ábdirahymov kelip, tótenshe jaǵdaıdyń shyǵý sebepterin anyqtaý jónindegi jumystardyń atqarylý barysymen tanysty. Ári tótenshe jaǵdaıdy turaqty baqylaýyna alatyndyǵyn jetkizdi.

Qazirgi tańda mekteptiń sanıtarlyq ahýaly qalypty, adam densaýlyǵyna keler qaýip joq. Oqıǵanyń mán-jaıyn anyqtaý jónindegi jumystar odan ári jalǵasady. Al mektep bir kúnge oqýyn toqtatty.  

Oqýshylar ata-analarynyń janynda bolyp, 20 naýryzdan bastap oqýdy qalypty jalǵastyratyn bolady. Bilim oshaǵynda tıisti sala mamandarynan turatyn kezekshilik beketi qoıylǵan.

Qala ákimi mektepti tolyq aralap shyqqan soń Yntymaq shaǵyn aýdanyndaǵy gaz taratý pýnktinde bolyp, kógildir otyn taratatyn orynnyń qaýipsizdik jaǵdaıyn tekserdi. 

Al, sońǵy kelip túsken aqparatta dárigerler oqýshylardyń mektepke 600 metr jerde ornalasqan tabıǵı gaz taratýshy pýnktten shyqqan aqaýdyń saldarynan ýlanǵandyǵyn aıtýda. Gaz tasymaldaý qyzmetiniń mamandary der kezinde aldyn alý sharalaryn júrgizgen. Aqaýdyń neden shyqqandyǵy áli de anyqtalý ústinde.

Nurshat TО́KEN,

«Egemen Qazaqstan»

ShYMKENT

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar