Almaty qalalyq máslıhatynyń kezekti sessııasynda kópbalaly analardy áleýmettik qoldaý máselesi keńinen talqylandy. Bul rette turǵyn úı kómegi jáne múgedek balalardy úıde oqytýǵa arnalǵan járdemaqylardy birneshe esege deıin ulǵaıtý týraly usynystar aıtyldy. Tabysy jan basyna shaqqanda kúnkóris deńgeıiniń eki ese mólsherinen aspaıtyn azqamtylǵan azamattarǵa kórsetiletin kómek somasyn 50 myń bes júz teńgege deıin ósirý kózdelse, «Baqytty otbasy» baǵdarlamasy aıasynda otbasy shyǵynynyń shekti deńgeıin 10 paıyzdan 5 paıyzǵa deıin tómendetý qarastyrylǵan.
«Byltyr járdemaqy 800 balaǵa tólendi. Bıyl da osynshama balany qamtýdy josparlap otyrmyz. Bul járdemaqyny alý úshin qosymsha 11,4 mln teńge bólinip otyr. Aıtylǵan áleýmettik kómek túrleriniń úsheýi de burynnan bar. Tek olardy alatyn azamattardyń sany men kómektiń kólemi ǵana artyp otyr», – deıdi Almaty qalasy Áleýmettik ál-aýqat basqarmasynyń basshysy Rahat Shımasheva.
Mamandardyń aıtýynsha, budan bylaı múgedek balalardy úıde oqytatyn otbasylarǵa toqsan saıyn beriletin járdemaqyny 30 myń teńgege deıin arttyrý jospary bar.
Arman OKTIаBR,
«Egemen Qazaqstan»
ALMATY
