Qyrǵyz úkimeti otstavkaǵa ketti
Senbi, 25 tamyz 2012 5:54
Breıvıkke úkim shyqty
Oslo qalasynyń okrýgtik soty norvegııalyq terrorshy Anders Breıvıkke qatysty onyń aqyl-esi bútin degen sheshim shyǵardy.
Senbi, 25 tamyz 2012 5:54
Breıvıkke úkim shyqty
Oslo qalasynyń okrýgtik soty norvegııalyq terrorshy Anders Breıvıkke qatysty onyń aqyl-esi bútin degen sheshim shyǵardy.
Isti qaraý ashyq rejimde ótýde jáne teledıdar arqyly búkil álemge taratylýda. Sýdıa Venke Arnsen úkimniń qorytyndy bóligin keshiktirmesten habarlaǵan. Sóıtip, sot otyrysynyń alǵashqy mınýtynda-aq Breıvıkti 21 jylǵa bas bostandyǵynan aıyrý jónindegi sot sheshimi málim etilgen. Bul eń tómengi merzim. Eger sot qylmysker qoǵamǵa qaýip tóndiredi dep sheshse merzimniń uzartylýy da ábden múmkin. Breıvıktiń ózi sot úkimin kúlimdep turyp tyńdaǵan kórinedi.
Kelissózderdiń jańa raýndy ótpek
Venada Iran men Atom energııasy jónindegi halyqaralyq agenttik (MAGATE) arasyndaǵy kelissózderdiń jańa raýndy ótedi.
Ol kezdesýdiń negizgi taqyryby Iran Islam Respýblıkasynyń ıadrolyq baǵdarlamasy bolmaq. Irannyń MAGATE janyndaǵy turaqty ókili Álı Asgar Soltanıeniń aıtýynsha, Irannyń MAGATE-men kelissózderdiń jańa raýndyn ótkizýge kelisýi Tegerannyń halyqaralyq qoǵamdastyqpen qyzmettestiginiń deńgeıin jáne oryn alǵan problemany retteýge degen talpynysyn kórsetedi.
Qyrǵyz úkimeti otstavkaǵa ketti
Qyrǵyzstan prezıdenti Almazbek Atambaev úkimetti tolyq quramda otstavkaǵa jiberetin jarlyqqa qol qoıdy.
Prezıdent mundaı jarlyqqa parlamenttik basymdyqtaǵy koalısııanyń ydyrap ketýine baılanysty qol qoıdy, dep habarlaıdy ITAR-TASS Qyrǵyzstan prezıdenti apparatynan shyqqan aqparatqa silteme jasaı otyryp. Endi prezıdent parlamenttik bes fraksııanyń birine jańa koalısııa qurý úshin mandat berýge tıis. Aıta ketý kerek, Qyrǵyzstan parlamentindegi koalısııa 2010 jylǵy saılaýdyń qorytyndysy boıynsha qurylǵan bolatyn.
«Tártipti nyǵaıtý» naýqany júrýde
Soltústik Koreıada qazirgi ýaqytta kásiporyndarda, oqý oryndarynda, turǵylyqty jer boıynsha komıtetterde jappaı jınalystar ótýde.
Jınalysqa qatysýshylarǵa partııa men arnaıy qyzmet ókilderi bizge senderdiń qaısylaryńnyń tyıym salynǵan beınetaspalardy qaraıtyndaryń jaqsy málim. Degenmen óz kinálaryńdy moıyndaýǵa múmkindik beriledi. Eger óz istegenderińdi qaǵazǵa jazyp berseńder bálkim, senderge keshirim bolýy múmkin degen eskertý jasaıdy eken. Bul jınalystar Soltústik Koreıada júrip jatqan «tártipti nyǵaıtý» naýqanynyń bir bóligi bolyp tabylatyn kórinedi.
Álemdegi eń yqpaldy áıel kim?
GFR kansleri Angela Merkel men AQSh-tyń memlekettik hatshysy Hılları Klınton planetadaǵy eń yqpaldy áıelderdiń jyl saıynǵy tiziminiń basyna shyqty.
Amerıkalyq «Forbs» jýrnaly jasaǵan tizim boıynsha úshinshi orynda Brazılııa prezıdenti Dılma Rýssef tur. Bul tizimge sol sııaqty AQSh-tyń birinshi hanshaıymy Mıshel Obama men Ulybrıtanııa korolevasy Elızaveta II de engen. Olar tıisinshe 7-inshi jáne 26-shy oryndardy ıelenip otyr. Osy reıtıngten Bıll Geıtstiń zaıyby Melında Geıts pen «Úndi ulttyq kongresi» partııasynyń lıderi Sonıa Gandı de oryn alǵan kórinedi.
Bılik ereýilshilermen kelisimge keldi
Tájikstandaǵy Taýly Badahshannyń ákimshilik ortalyǵy – Horog qalasynda sanksııalanbaǵan mıtıngige qatysýshylar qaladan áskerdi shyǵarsa ereýildi toqtatatyndaryn habarlaǵan.
Mundaı ýaǵdalastyqqa úkimet kúshteri shtaby basshylyǵynyń narazylyq bildirýshilermen júrgizgen kelissózderi barysynda qol jetken kórinedi. О́kimet sonymen birge yqpaldy dala komandırleriniń biri Imomnazar Imomnazarovtyń qaza tabýyna baılanysty qozǵalǵan isti muqııat tergeý jóninde de ýáde berip otyr. Aıta ketý kerek, bılik Imomnazarovqa memlekettik qaýipsizdik qyzmetiniń generalyn óltirýge qatysy bar degen aıyp taqqan bolatyn.
Soldat esteligi jaryq kórmek
Dutton baspasynyń málimetterine qaraǵanda, Ýsama ben Ladenniń kózin joıýǵa qatysqan amerıkalyq desantshy áli de qupııa sanalatyn operasııa týraly esep jazǵan kórinedi.
«Vashıngton post» gazetiniń habarlaýynsha, ol esep aldaǵy aıda jarııalanbaq. Eger jazylǵandar shyndyq bolsa, ol kitap Pákstannyń Abbottabad qalasyndaǵy ben Ladenniń jasyrynǵan jerine reıd jasaǵan «teńiz ıtbalyqtary» komandasynyń músheleri ustanǵan qupııany buzǵan bolyp shyǵady. Resmı adamdar avtordyń da, baspagerlerdiń de ortalyq barlaý basqarmasynyń qorǵanys departamentin kitap mazmunymen aldyn-ala tanystyrmaǵanyn aıtqan. Kitap «Aýyr kún: ben Ladendi joıý jónindegi mıssııaǵa qatysýshynyń esebi» dep atalady eken.
Internet materıaldary negizinde ázirlendi.
