Qymbatty otandastar!
Qazaqstannyń Tuńǵysh Prezıdenti – Elbasy Nursultan Ábishuly Nazarbaev 2019 jylǵy 20 naýryzdan bastap óziniń konstıtýsııalyq quzyretin aldyn ala toqtatatyny týraly málimdedi.
Bul – táýelsiz Qazaqstandy qurý sııaqty tarıhı mıssııany adal jáne tabysty oryndap shyqqan dana memleket qaıratkeriniń, batyl azamat jáne patrıottyń kóregen hám durys qabyldaǵan qadamy.
KSRO ydyraǵan sátte onyń basqarýymen elimiz beıbit jolmen táýelsizdikke qol jetkizip, óz memlekettiligin nyǵaıtty.
Elbasynyń ustamdy saıasatynyń arqasynda elimiz alasapyran kezeńniń qıyn-qystaý sátterin urys-kerissiz, azamattyq, etnosaralyq jáne konfessııaaralyq kıkiljińsiz, áleýmettik kúızelissiz ótti.
«Aldymen – ekonomıka, sodan keıin – saıasat», sonymen qatar el birligi prınsıpterin negizgi baǵyt retinde ustanyp, Nursultan Nazarbaev naryqtyq ekonomıkany qalyptastyrý, turaqty áleýmettik ósý máselelerin sheship, Qazaqstandy damýdyń jańa sapaly traektorııasyna shyǵardy.
Búginde elimiz álemdegi básekege barynsha qabiletti 50 eldiń qataryna endi. «Qazaqstan-2030» Strategııasyn merziminen buryn oryndap, Qazaqstan Elbasynyń basqarýymen elimizdiń XXI ǵasyrda damýynyń irgeli negizin jasady.
Tuńǵysh Prezıdenttiń eń mańyzdy jáne tabysty jobasy retinde elordany Astana qalasyna aýystyrýy ekenin barshamyz bilemiz. Jańa elorda, Tý, Ánuran, Eltańba jáne halyqaralyq deńgeıde qabyldanǵan shekara táýelsiz Qazaqstannyń jetistikteri men jeńisteriniń utymdy bet-beınesine aınaldy.
Bizdiń eldegi áleýmettik-ekonomıkalyq jáne saıası reformalardyń tabysy Nursultan Nazarbaevtyń atymen atalǵan qoǵamdyq kelisim men jalpyhalyqtyq birliktiń qazaqstandyq úlgisine negizdelgen.
Qazaqstan halqy Assambleıasy arqyly iske asqan bul model azamattardyń etnostyq, dinı erekshelikterine qaramastan teń quqyly bolýynyń tıimdi mehanızmine aınaldy.
Elbasynyń saıası kemeńgerligi, álemniń basqa memleketteriniń eshqaısysynda joq beıbitshilik pen kelisimniń erekshe ınstıtýtyn qurdy.
Birikken Ulttar Uıymynyń Bas hatshylary Kofı Annan men Pan Gı Mýn bizdiń Assambleıa týraly «BUU-nyń kishi úlgisi» dep baǵa berdi.
Qazir Assambleıa Qazaqstannyń 18 mıllıon halqyn biriktirip otyr.
Tuńǵysh Prezıdent jetistikteriniń máni men maǵynalylyǵy, onyń bettegen ekonomıkalyq jáne saıası baǵytynyń mindetti túrde jalǵasyn tabatynyn dáleldeıdi.
Elbasy Qazaqstannyń tabysty damýy men álemniń kóshbasshy otyz eliniń qataryna enýiniń negizin qalap berdi: Qazaqstannyń ekonomıkasy men áleýmettik baǵytynyń tolyǵymen jańarýy tıimdi iske asyrylýda, «Rýhanı jańǵyrý» baǵdarlamasy júrgizilýde, elimizdiń áleýmettik baqýattylyǵy modeliniń naqty kórinisi belgilendi.
Elbasynyń bul sheshimi el azamattarynyń kópshiligi tarapynan ókinish týdyryp otyr. Onyń nyq saıası jigeri adamdardyń bolashaqqa, erteńgi kúnge degen senimin arttyryp turatyn.
Eń qıyn sátterde halyq daǵdarystan da damý múmkindigin izdeýdi prınsıpke aınaldyrǵan, eń durys jáne tıimdi sheshim tabatyn Tuńǵysh Prezıdenttiń danalyǵy men tájirıbesine senetin.
Biraq Elbasy óz qadamynyń qajettiligin jańa tarıhı kezeńde Qazaqstannyń ekonomıkasy men áleýmettik salasyn damýdyń jańa deńgeıine shyǵarý maqsatymen negizdedi.
Degenmen, Nursultan Nazarbaev saıası jáne áleýmettik-ekonomıkalyq baǵyttaǵy reformalardyń birizdiligi men sabaqtastyǵynyń kepili bolyp qala beredi.
Búgingi tańda memlekettik organdardyń, azamattyq qoǵamnyń, barlyq el azamattarynyń negizgi mindeti – Elbasynyń murasy men jetistikterin saqtap qalý jáne arttyrý.
Biz, Qazaqstan halqy Assambleıasynyń músheleri, qazaqtar men orystar, ózbekter men polıaktar, tatarlar men nemister, uıǵyrlar men vaınahtar, kúrdter men ýkraındyqtar, koreıler men tájikter, armıandar men ázerbaıjandar, túrikter, dúngender jáne basqa etnostar, qoǵamdyq kelisim keńesteriniń, analar keńesteriniń, ǵylymı-sarapshylyq keńesteriniń, «Jańǵyrý joly» jastar qozǵalysynyń músheleri, el azamattaryna túzý baǵytty ustanýdy – ýaqyttyń tekserýinen ótken birligimiz ben kelisimimizdi saqtaý jáne nyǵaıtý sııaqty baǵyttan taımaýǵa shaqyramyz.
Biz shyn júrekten «Beıbit ómir úshin, Otan úshin, erlik pen irilik sabaqtary úshin, úıimizdegi án men nan úshin rahmet Sizge, bizdiń qymbatty Elbasy!» deımiz.
Elbasynyń «Halqymyzdyń dostyǵy men birligin, elimizdiń ár azamatynyń mádenıeti men saltyna degen syılastyq pen bir-birimizge degen senimimizdi saqtańdar. Osylaı bolǵanda ǵana biz myqtymyz, sonda ǵana barlyq qıynshylyqty jeńe alamyz. Sonda ǵana damımyz, gúldenemiz!» – degen sózderin alǵyshart retinde qabyldaýǵa úndeımiz.
Nursultan Ábishuly óz týyndysy – elimizdegi kelisim men tynyshtyqtyń negizi, Qazaqstan halqy Assambleıasyn budan ári de basqara beredi degen senimdemiz.
Elbasynyń baǵytyna adaldyǵymyz Tuńǵysh Prezıdent – Elbasy Nursultan Ábishuly Nazarbaevtyń qyzmetine degen eń úlken alǵysymyz ekenine biz senimdimiz.
Qazaqstan halqy Assambleıasy
Astana
