Qazaqstan • 20 Naýryz, 2019

Máýlen Áshimbaev: Tarıhı sátte halqymyz birlik pen yntymaqta bolýy tıis

975 retkórsetildi

«Nur Otan»partııasy tóraǵasynyń birinshi orynbasary Máýlen Áshimbaev ótpeli kezeńde halyqty yntymaq pen birlikke shaqyrdy. Bul týraly ol Feısbýk paraqshasynda jazdy.

«Men de barsha qazaqstandyqtar sekildi aralas sezimdi bastan keship otyrmyn. Bir jaǵynan Tuńǵysh Prezıdentimizdiń ókilettigin toqtatqanyna ókinish bolsa, ekinshi jaǵynan Ult kóshbasshysynyń erligi men danalyǵyna ólsheýsiz qurmet sezimi bar» dep jazdy Máýlen Áshimbaev Feısbýktegi resmı paraqshasynda.

Sondaı-aq ol málimdemeniń bir mınýttyq sheshim emestigin atap ótti.

«Nursultan Ábishulynyń bul mańyzdy qadam jóninde neshe kún, neshe saǵat oılanǵanyn bilmeımiz. Biraq bizdiń Elbasy únemi halyq pen el múddesine qajet sheshim qabyldaıdy. Sondyqtan Tuńǵysh Prezıdent saıasatynyń jalǵasýyn qamtamasyz etý qajet. Bul Tuńǵysh Prezıdentke jáne onyń qyzmetine degen ólsheýsiz qurmetti bildiredi. Sonymen birge, Elbasy Qaýipsizdik Keńesiniń Tóraǵasy, Partııa Tóraǵasy jáne Konstıtýsııalyq Keńes múshesi retinde el damýynda mańyzdy ról atqara bermek» dep óz sózin tolyqtyrdy M. Áshimbaev.

Onyń aıtýynsha, Nursultan Nazarbaev Ult kóshbasshysy bolyp qala beredi. Keńes ımperııasy qulaǵan soń, ol qarqyndy ekonomıkasy bar turaqty áleýmettik memlekettiń negizin qalady.

«Halyqtyń ál-aýqatyn jaqsartý - Nazarbaevtyń basty jetistikteriniń biri. Tuńǵysh Prezıdent únemi halyqtyń ómir súrý sapasyn jaqsartýǵa, jastardy qoldaýǵa, kópbalaly januıalarǵa kómektesýge, bilim men densaýlyq saqtaý salalaryn damytýǵa erekshe kóńil bóldi. Myńdaǵan jas «Bolashaq» baǵdarlamasymen álemniń úzdik oqý oryndaryn támamdady. Bul - Elbasynyń zamanaýı Qazaqstandy qurýǵa degen baǵasyz úlesi» dep óz sózin jalǵastyrdy M. Áshimbaev.

Partııa ókili jas urpaqtyń beıbitshilik pen kelisim úshin, ekonomıkalyq ósim men saıası turaqtylyq úshin, baqýatty elde ómir súrip, damyǵany úshin Tuńǵysh Prezıdentke alǵys aıtatynyn jetkizdi.

«Búgingi tarıhı sátte halqymyz birlik pen yntymaqta bolýy tıis. Bizdi alda elimizdiń damýy men turǵyndardyń ómir súrý sapasyn jaqsartýǵa baǵyttalǵan kóptegen mindetterdi júzege asyrý kútip tur. Barlyq qazaqstandyqtardy birlik pen kelisimge shaqyramyz. О́z kúshimiz ber áreketimizge súıenip, bul kezeńnen birge ótýimiz kerek. Qazaqstandyq joldyń jalǵastyǵy men Otanymyzdyń ári qaraı gúldenýi - ózimizge baılanysty» dep óz sózin túıindedi Máýlen Áshimbaev.

Sońǵy jańalyqtar

«Birgemiz» qoryna 13 mlrd teńge tústi

Qazaqstan • Búgin, 18:32

Koronavırýs Kókshetaýǵa da keldi

Koronavırýs • Búgin, 18:24

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Uqsas jańalyqtar