Elbasynyń búgingi jarııalaǵan sheshimin tikeleı efırden tyńdap, tarıhı oqıǵanyń kýágeri bolǵanymyzǵa tolqyp otyrǵan jaıym bar. Iá, biz ómirimizdiń jarqyn sátterin Nursultan Nazarbaev ýyǵyn shanshyp, shańyraǵyn kótergen ortaq Qazaqstannyń beıbitshil, eńbeksúıgish turǵyny bolyp ótkerdik. Otanymyzdy álem tanyp, qazaqtyń mádenıetin, ónerin moıyndady. Osy ótken 30 jyl ishinde ulttyq óner dúnıe órkenıetine senimmen, ózindik bet-beınesimen qosyldy dep aıtýǵa tolyq haqymyz bar.
Elimizde ónerdi qoldaýǵa úlken mańyz berilgenine ózim kýámin. Bizdiń Almaty oblysynda jas talanttardy, ónerpazdardy jumyspen qamtýǵa, baspanaly bolýyna únemi jaǵdaı jasalyp keledi. Osynyń arqasynda qazaq ónerin, ánin bolashaqqa jalǵaıtyn jańa býyn ósip, jetildi. Munyń bári elimizdegi turaqtylyqtyń arqasy dep bilemin. О́ner óresi joǵary tyńdarmanymen, kórermenimen ósedi. Al ol úshin rýhanııatqa jaǵdaı jasalýy kerek. Memleketimizdiń qalyptasý jolynda kezdesken qıyndyqtardy eńserý kezinde Nursultan Ábishuly mádenıet salasyna kóńil bólýdi eshqashan ekinshi orynǵa qoıǵan emes. Ult ónerin ulyqtady. Biz, óner qaıratkerleri Elbasyna osy úshin qaryzdarmyz.
Búgingi sheshim – tarıhı sát. Bul – el ómiriniń altyn dáýirine berilgen baǵa. Baısaldy sheshimdi tyńdap turyp, kemel keleshektiń beınesin kórgendeımin. Uzaǵynan bolsyn!
Álı ALPYSBAEV,
Qazaqstannyń mádenıet qaıratkeri, dırıjer, kompozıtor
