Úkimet pen Ulttyq Bank Qazaqstan Respýblıkasynyń Tuńǵysh Prezıdenti – Elbasynyń buryn bergen tapsyrmalary men jarııalaǵan bastamalaryn oryndaıtyn bolady.
Memlekettik baǵdarlamalar men qurylymdyq reformalardy iske asyrý Qazaqstan Respýblıkasynyń 2025 jylǵa deıingi Strategııalyq damý josparynyń jáne «Qazaqstan-2050» Strategııasynyń maqsattaryna tıimdi qol jetkizý úshin jalǵastyrylatyn bolady.
Bıyl ekonomıka ósimi 3,8%-dan tómen emes deńgeıde, al ınflıasııa 4-6% dálizinde kútilip otyr.
Úkimet makroekonomıkalyq turaqtylyqty qamtamasyz etýge baǵyttalǵan turaqty boljamdy qazynalyq saıasatty júrgizýin jalǵastyra beredi. Barlyq bıýdjettik mindettemeler jáne áleýmettik bastamalar tolyq kólemde oryndalatyn bolady. Ásirese, áleýmettik mańyzy bar taýarlar men qyzmetter baǵasynyń negizsiz ósýine jol bermeýge erekshe kóńil bólinetin bolady.
Ulttyq Bank tómen ınflıasııany qoldaýǵa baǵyttalǵan boljamdy aqshalaı-nesıe saıasatyn júrgizýin jalǵastyra beredi. Valıýta naryǵynda, bank sektorynda jáne qarjy naryǵynyń basqa segmentterinde jaǵdaıdyń turaqtylyǵyn qamtamasyz etý úshin barlyq qajetti sharalar qabyldanatyn bolady. Ulttyq Banktiń jetkilikti kólemde altyn-valıýtalyq aktıvteri, sondaı-aq teńgeniń aıyrbas baǵamyna qatysty alypsatarlyq operasııalardyń aldyn alý úshin qajetti quraldary, onyń ishinde retteý quraldary da bar.
Aǵymdaǵy ekonomıkalyq ishki jáne syrtqy faktorlar el ekonomıkasynyń turaqty damýyna yqpal etedi. Jaǵymsyz táýekelder kórinis bergen jaǵdaıda Úkimet pen Ulttyq Bank olardyń saldaryn barynsha azaıtý jáne Qazaqstan Respýblıkasynyń áleýmettik-ekonomıkalyq damýynyń turaqtylyǵyn qamtamasyz etý úshin qajetti resýrstarǵa ıe.
