Qaqtyǵysta 30 adam qurban boldy
Seısenbi, 4 qyrkúıek 2012 7:32
Túrkııanyń ońtústik-batysyndaǵy Shırnak provınsııasynda áskerılermen kúrd sodyrlarynyń qaqtyǵysynan 30 adam qurban boldy. «Reıter»agenttiginiń habarlaýynsha, olardyń 21-i kóterilisshiler kórinedi.
Seısenbi, 4 qyrkúıek 2012 7:32
Túrkııanyń ońtústik-batysyndaǵy Shırnak provınsııasynda áskerılermen kúrd sodyrlarynyń qaqtyǵysynan 30 adam qurban boldy. «Reıter»agenttiginiń habarlaýynsha, olardyń 21-i kóterilisshiler kórinedi.
Sodyrlardyń shabýylyna qarsy soqqy bergen kezde quqyq qorǵaý kúshteriniń toǵyz qyzmetkeri mert bolyp, segizi jaralanǵan. Kúrd jumysshy partııasynyń kóterilisshileri 2 qyrkúıek kúni keshkisin quqyq qorǵaý qyzmetkerlerine ártúrli jerden tórt márte shabýyl jasaǵan. Qaqtyǵys bolǵan aýdanda úsh saǵat boıy elektr jaryǵy bolmaǵan. Al taraptar arasyndaǵy urys Túrkııanyń Sırııa jáne Irakpen shektesetin shekara mańynda ótken. Atalǵan agenttiktiń aqparattary boıynsha, Túrkııa aýmaǵynda tyıym salynǵan Kúrd jumysshy partııasy men Túrkııa bıligi arasyndaǵy qarsy turýshylyq 30 jyldan beri toqtamaı keledi.
Raqymshylyqqa qarsylyq bildirdi
Vengrııa syrtqy ister mınıstrliginiń memlekettik hatshysy Jolt NemetÁzerbaıjannyń Býdapeshttegi elshisine armıan ofıserin óltirgen RamılSafarovqa Bakýdiń raqymshylyq jasaý týraly sheshimine baılanystyresmı qarsylyq bildirdi.
«Novostı» aqparat agenttigi saıtynyń jazýynsha, Vengrııa bıligi Safarovqa raqymshylyq jasaý jónindegi sheshimdi negizsiz dep esepteıdi. Vengrııa sondaı-aq Ázerbaıjandy ómir boıy túrmede otyrý jazasyna kesilgen Safarovtyń merzimin Ázerbaıjanda óteý týraly ekijaqty kelisimdi buzdy dep aıyptaıdy. Aıta keteıik, ázerbaıjandyq ofıser Ramıl Safarov 2004 jyly Vengrııada aǵylshyn tilin úırený kýrsynan ótip jatqan kezde Armenııa qarýly kúshteriniń aǵa leıtenanty Gýrgen Margarıandy baltamen shaýyp óltirgen edi.
Nesterovti qyzmetinen bosatty
Reseı prezıdenti Vladımır Pýtın Hrýnıchev atyndaǵy ǵarysh ortalyǵynyń bas dırektory Vladımır Nesterovti qyzmetinen bosatty. Jarlyqqa 31 tamyzda qol qoıylǵan eken. Biraq qujat keshe ǵana jarııa etildi.
«Interfaks» agenttiginiń málimetterine qaraǵanda, V.Nesterov ózin qyzmetten bosatý jóninde 7 tamyz kúni ótinish bergen sııaqty. О́ıtkeni, tamyz aıynyń basynda Hrýnıchev atyndaǵy ǵarysh ortalyǵy «Ekspress-MD2» jáne «Telkom-3» spýtnıkterin áýe keńistigine shyǵara almaǵan edi. Komıssııa olardy jasaý kezinde óndiristik qatelikter jiberilgen dep tapty. Osydan keıin-aq bas dırektordyń qyzmetinen ketetindigi jıi aıtyla bastaǵan. Oǵan endi qandaı qyzmet usynylatyny belgisiz.
Obalyna uly qaldy
Qytaı kommýnıstik partııasy ortalyq komıteti bas basqarmasynyń jetekshisi Lın Szıhýa ulynyń jol-kólik oqıǵasyn jasaýyna baılanysty qyzmetinen ketýge májbúr boldy. Bul jóninde «Reıter» agenttigi habarlady.
Atalǵan agenttiktiń habarlaýynsha, Lın Szıhýa QHR tóraǵasy Hý Szıntaonyń jaqyn serikteriniń biri bolyp tabylady. Sondaı-aq, ony jaqyn kúnderi QKP saıası bıýrosy uıymdastyrý bóliminiń basshysy etip taǵaıyndaýy tıis bolǵan. Bul bólim eldiń joǵary laýazymyna qyzmetkerlerdi taǵaıyndaý jáne qyzmetterinen bosatý isterin júrgizedi eken. Endi onyń obalyna uly qalyp otyr. Kishi Lın osy jyldyń naýryzynda «Ferrarı» avtokóligin júrgizip kele jatqanda apatqa ushyrap, kóliktegi úsh adamnyń bireýi qaıtys bolǵan. Bul Qytaı qoǵamynda ashý-yza týǵyzǵan. Agenttiktiń jazýynsha, óziniń seriktesin el basshysy da qorǵap qala almaǵan.
Kandıdattardyń reıtıngi teńesti
«Reıter» agenttiginiń taratqan aqparattaryna qaraǵanda, AQSh-tyń qazirgi prezıdenti Barak Obama men onyń prezıdenttik saılaýdaǵy básekelesi Mıtt Romnıdiń reıtıngi teńesken. Suraý salý nátıjesi osyny kórsetken.
Qazirgi kezde kandıdattardyń ekeýine de saılaýshylardyń 45 paıyzy daýys berýge daıyn ekenin bildirgen. Onlaın júıesi boıynsha daýys berýge 1,4 myń amerıkalyq qatysypty. Sarapshylardyń pikirinshe, Romnıdiń reıtıngi 31 tamyzda Florıda shtatynda ótken respýblıkashylar partııasynyń sezinen keıin birshama óse túsken. Buǵan deıin Barak Obamanyń saılaýshylar arasyndaǵy reıtıngi joǵary turǵan edi. Suraý salynǵan saılaýshylardyń 46 paıyzy Barak Obamaǵa, 42 paıyzy Mıtt Romnıge daýys beretinderin aıtqan-dy. AQSh-ta prezıdenttik saılaý 2012 jylǵy qarashada ótedi.
Qysqa qaıyryp aıtqanda:
*Aýǵanstan prezıdenti Hamıd Karzaı eldiń barlaý qyzmetiniń basshylyǵyna shekaralas aýmaqtar máselesi jónindegi mınıstr Asadýlla Halıdtiń kandıdatýrasyn usyndy. Quqyq qorǵaýshylar onyń kandıdatýrasyna qarsylyq bildirýde.
*Brıtanııa bıligi Egıpettiń burynǵy prezıdenti Hosnı Múbaraktyń otbasy músheleri men serikteri aktıvteriniń barlyǵyn toqtatpaǵan. Bul jóninde sońǵy alty aıdaǵy tergeý amaldary kórsetti, dep habarlady VVS teleradıokompanııasy.
*Polsha eýroaımaqqa ózderiniń qaryzdaryna baılanysty problema sheshilgennen keıin ǵana qosylady. Eldiń syrtqy ister mınıstri Radoslav Sıkorskı osylaı dep málimdedi.
* Sırııa úkimetiniń avıasııasy keshe erteńgisin áýeden Al-Bab qalasyna birneshe ret soqqy berdi. Onyń saldarynan bir turǵyn úı tolyq qırap, 18 beıbit turǵyn qurban boldy. Arasynda áıelder men balalar da bar.
Internet materıaldary negizinde ázirlendi.
