«Elbasynyń qajyrly eńbeginiń arqasynda halqymyz tól tarıhynda tuńǵysh ret ózin týǵan jerdiń zańdy ıesi sezindi, barshamyzdyń júregimizdi Otan úshin maqtanysh sezimi kernedi. «Qazaqstan-2050» Strategııasy, «Nurly jol» Jańa ekonomıkalyq saıasaty, «100 naqty qadam» Ult jospary elimizdi jańǵyrtýǵa, Qazaqstannyń ekonomıkalyq áleýetin odan ári nyǵaıtýǵa baǵyttalǵan» dedi Qazaqstan Prezıdenti.
Sonymen qatar Qasym-Jomart Toqaev mundaı qadamnyń halyqaralyq arenadaǵy turaqsyzdyq pen daǵdarystar jaǵdaıynda asa mańyzdy ekenin atap ótti.
«Qazirgi Qazaqstan – naryqtyq ekonomıkasy qalyptasqan, demokratııalyq ári zaıyrly memleket. Elimizde jekemenshik ınstıtýty ornyǵyp, orta taptyń jaǵdaıy jaqsardy jáne kásipkerlik qarqyndy damı tústi. Barlyq ózekti áleýmettik-ekonomıkalyq máseleler ýaqytyly sheshimin taýyp keledi» dedi Q.Toqaev.
