«Tarıhta araǵa ǵasyr salyp dúnıege kelip, qaıtalanbaıtyn uly ister jasaıtyn erekshe tulǵalar bolady.
Osyndaı iri tulǵa, saıası qaıratker, kemeńger kóshbasshy ol bizdiń Tuńǵysh Prezıdentimiz, Elbasy Nursultan Ábishuly Nazarbaev ekeni sózsiz. Nursultan Ábishuly Qazaqstanymyz úshin eń bir qıyn kezeńde el basqarý isin qolǵa alyp, óziniń alysty boljaıtyn kóregendiginiń, danalyǵynyń arqasynda keń baıtaq qazaq dalasynda jańa Qazaqstannyń irgetasyn qalady.
Irgetasyn qalap qana qoımaı, jańa memleket, jańa ekonomıka, jańa qoǵam qurdy.
Sebebi, Nursultan Nazarbaev basqarǵan 30 jyldyń ishinde memleketimiz álemdi tańqaldyrǵan jetistikterge qol jetkizdi.
Damýdyń «qazaqstandyq joly» jáne «Nazarbaev modeli» qalyptasty. Elimizde saıası, áleýmettik, ekonomıkalyq reformalar tabysty júrgizilip, az ýaqyttyń ishinde álemdegi damyǵan 50 eldiń qataryna qosyldy.
Bul Elbasynyń kóregen saıasatynyń, batyl qadamdarynyń, tarıhı sheshimderiniń jáne oǵan qoldaý kórsetken halqymyzdyń birliginiń arqasynda kelgen úlken jeńis.
Shyn máninde, Nursultan Nazarbaev «jańa memlekettiń negizin qalaýshy» retinde el aldyna máńgilik murattardy kózdeıtin asqaq maqsattar qoıyp, sol maqsattardyń shyńyna shyǵara bilgen biregeı tulǵa.
Bul árbir qazaqstandyq úshin zor maqtanysh, abyroı jáne bıik mártebe.
Sondyqtan, dúnıejúzine tanymal, bedeldi táýelsiz Qazaqstanymyzdyń negizin qalaǵan Tuńǵysh Prezıdentimiz, Elbasy Nursultan Ábishuly Nazarbaevtyń taǵdyrly sheshim qabyldap, shynaıy demokratııany qoldaıtyn, álemdik saıası tulǵa ekendiginiń taǵy bir naqty kórsetkishi.
Nursultan Ábishulynyń dana, kóregen, salıqaly saıasatynyń arqasynda Qazaqstanymyz barlyq qıyndyqtardan aman - esen shyǵyp, dúnıejúzi tanyǵan abyroıly elge aınaldy.
Nursultan Ábishuly búkil elimizge qamqor basshy bolyp, árbir qazaqstandyqtyń júreginen tereń oryn alyp otyr.
Elbasymyz aldaǵy ýaqytta da, halqymyzben birge, memleketimizdi jańa bıikterge, jańa belesterge jetkizetini sózsiz.
Sonymen birge, Elbasymyz árqashanda táýelsiz Qazaqstan tarıhynyń tórinde Tuńǵysh Prezıdent, Ult Kóshbasshysy retinde jarqyn isterdiń jarshysy bolyp qala bermek» delingen habarlamada.
