Keńeste egis naýqanyn ýaqytyly qamtamasyz etý jáne alqaptardy josparlanǵan qamtý boıynsha júrgizilip jatqan jumystar týraly aýyl sharýashylyǵy mınıstri S. Omarov baıandady. 2019 jyly aýyl sharýashylyǵy daqyldary egilgen alqap kólemi 22,3 mln ga qurady, bul ótken jylǵy deńgeıden 1,3%-ǵa artyq. Qolda 147 myń traktor, 79,4 myń soqa, 249 myń topyraq óńdeıtin qural bar.
О́z kezeginde energetıka vıse-mınıstri B. Aqsholaqov agrarshylardy qajetti janar-jaǵarmaımen qamtamasyz etý týraly baıandady. Máselen, munaı óńdeý zaýyttarynyń baǵasy 160 teńge/lıtr (193 myń teńge/tonna) bolsa, operatorlardyń jetkizýin eskerýmen óńirlerde baǵasy 174 teńge/lıtr-di quraıdy, bul naryqtaǵy baǵadan 15-20 teńgege arzan.
Selektorlyq rejımde sonymen qatar negizgi astyq egetin óńirlerdiń — Aqmola, Qostanaı jáne Soltústik Qazaqstan oblastarynyń, sondaı-aq 10 oblystyń ákimderi tyńdaldy.
Budan ózge, keńes barysynda aýyl sharýashylyǵy qurylymdarynyń ókilderi sóz sóıledi. «Rodına» agrofırmasy» JShS dırektory I. Saýer, «Vıshnevskoe» JShS dırektory P. Rafalskıı sharýashylyqtar turǵysynan atqarylyp jatqan jumystar týraly aqparat berdi. Keńes qatysýshylary qozǵaǵan egis alańdaryn sýarý máselelerine vıse-mınıstr E. Nysanbaev túsinikteme berip ótti.
Talqylaý qorytyndysy boıynsha QR Premer-Mınıstri Asqar Mamın kóktemgi egis naýqanyna ázirlik júrgizilip jatqanyn, al ońtústik óńirlerde egis naýqany bastalyp ketkenin atap ótti. Osyǵan baılanysty oblystardyń ákimdikterine aýyl sharýashylyǵy daqyldaryn egýdi ońtaıly agrotehnıkalyq merzimdi saqtaı otyryp qamtamasyz etý tapsyryldy. Aqmola, Aqtóbe, Qostanaı jáne Soltústik Qazaqstan oblystarynyń ákimderine problemalyq agroholdıngterdiń egistikterine egin egilýin qamtamasyz etýge erekshe nazar bólý qajet.
«Suranysqa ıe aýyl sharýashylyǵy daqyldarynyń egis alańdaryn ártaraptandyrýdy jalǵastyrý kerek, — dep Asqar Mamın, munyń «ishki naryqty qoljetimdi ósimdik sharýashylyǵynyń ónimderimen qamtamasyz etýmen, óńdeý kásiporyndaryn júktemeleýmen jáne mal sharýashylyǵynyń jem bazasyn nyǵaıtaýmen tikeleı baılanysty» ekenin atap ótti.
Premer-Mınıstr Aýyl sharýashylyǵy mınıstrligine Energetıka mınıstrligimen birlese otyryp, óńirlerge MО́Z-derden dızeldi otyndy tıep jetkizý máselesin turaqty baqylaýda ustaýdy tapsyryp, eshqandaı irkilister bolmaýy tıis ekenin eskertti.
