21 Naýryz, 2019

Máńgilik eldi saqtaý úshin aıanbaımyz

786 retkórsetildi

Asa qadirli 
Nursultan Ábishuly!

Sizdiń halyqqa arnaǵan jol­daýlaryńyzdy qazaqstandyqtar qashanda asa úlken yqylaspen kú­tedi, tyńdaıdy. О́ıtkeni onda úne­mi el damýynyń strategııalyq jol­dary kórsetilip, jumys ba­ǵyt-baǵdary aıqyndalyp beri­ledi. 

Qazaqstan Respýblıkasynyń Prezıdenti ókilettigin toqta­týyńyz týraly Úndeýińizdi qazaq­standyqtar, onyń ishinde qazaq óneriniń qarasha­ńyraǵy M.Áýe­zov atyndaǵy Qazaq memleket­tik akademııalyq drama teatry­nyń ujymy tolqı, erekshe tebire­nispen tyńdadyq. 

Sizge Táýelsiz eldiń alǵash­qy basshysy bolý márte­besi bu­ıyrdy. О́zińiz júrgiz­gen mem­le­ket­tik sarabdal saıa­satyńyzdyń arqasynda Qazaqstan shyn máni­sindegi táýelsiz de erkin, ekonomıkasy men mádenıeti damyǵan órkenıetti elge aınaldy, álem qaýymdastyǵynan laıyqty oryn aldy.

Mádenıet salasyndaǵy mem­le­kettik saıasatyńyz – mádenı jáne rýhanı qundylyqtardy jasaýǵa, jańǵyrtýǵa, qaıta túletýge, saq­taýǵa, damytýǵa, taratýǵa jáne paı­dalanýǵa baǵyttalǵanyn maq­tanyshpen aıtýymyzǵa bolady. Táýelsizdik jyldary ulttyq óner, sahna óneri qulashyn keńge jaı­dy. О́zińizdiń bastamańyzben Res­pýblıkada táýelsizdik jyldary kóptegen jańa teatrlar ashyldy, talantty birneshe jas býyn ósip shyqty. 

95 jyldyq tarıhy bar qa­rashańyraq, álemniń kópte­gen el­derinde óner kórsetý mártebesine ıe bolǵan M.Áýezov teatry ózińizdiń «Qazaqstan-2050» strate­gııa­lyq baǵdarlamańyzda atap kór­se­tilgendeı, «Qazaqstannyń máde­­nıetti jáne progressıvti ıdeal­­dar qoǵamyna aınalýy...»  jolyn­da aıanbaı  eńbek etip ke­ledi. О́ziń­iz bastamashy bol­ǵan «Rýhanı jańǵyrý» memle­ket­tik baǵ­darlamasy aıasynda atqaryl­ǵan, áli de atqarylatyn jumystar az emes.  

Keshegi tarıhı Úndeýińizde О́zińiz elimizdi basqarǵan 30 jyl boıy atqarylǵan jumystar týraly birneshe sóılemmen ǵana túıip aıtyp óttińiz. Al munyń astarynda Sizdiń aqyl-parasatyńyz, danalyǵyńyz, qanshama eńbegińiz, kúsh-qýatyńyz bar ekenin halyq jaqsy biledi. Biz, sahna qaı­rat­kerleri, onyń ishinde M.Áýezov teatrynyń ujymy shyn máni­sindegi táýelsiz Qazaq eliniń Tuń­ǵysh Prezıdenti, dara Tulǵa, qaıtalanbas qubylys – ózińizben zamandas bolǵanymyzǵa, us­tan­ǵan sara baǵytyńyzdy murat­tas­tyqpen qoldap, eńbek etip kele jatqanymyzǵa baqyttymyz.  

Sizdiń keshegi tarıhı Úndeý­iń­iz­diń árbir sózi, sóılemi bizderdi qatty tolqytty. «Maǵan uly hal­qyma, týǵan jerime qyzmet etý baqyty buıyrdy. Barshańyzǵa – halqyma zor rızashylyǵymdy bil­dirip, basymdy ıemin» dedińiz. Bizge ózińizdeı Elba­sy buıyr­ǵanyna bizder de asa baqyt­ty­myz. Jáne Tuńǵysh Prezıden­timiz­ge búkil Qazaqstan halqy, olar­dyń qatarynda M.Áýezov teatry ujy­my da asa úlken yrza­shy­ly­ǵy­myzdy bildirip, basymyzdy ıemiz. 

Qazaqstan halqyna keshegi Úndeýińizde: «...Eleýli ókilet­tigi bar Qaýipsizdik Keńesiniń Tór­aǵasy retinde qyzmet ete beremin. «Nur Otan» partııasynyń Tór­aǵasy, Konstıtýsııalyq Keńestiń mú­shesimin. Iаǵnı, ózderińizben bir­ge bolamyn. Elimizdiń, halqy­myzdyń qamy – meniń múddem bo­lyp qala beredi» degen sózińiz bizge qanat bitirip, kóńilimizge senim uıalatty. 

Biz, sahna qaıratkerleri eli­mizdi jańǵyrtý prosesteriniń baıandy jalǵasatynyna senemiz jáne Máńgilik elimizdi saqtaý úshin qolymyzdan kelgendi aıamaımyz dep ýáde beremiz. 

Asa úlken qurmetpen,

KSRO halyq ártisi, KSRO, QazKSR Memlekettik syılyqtarynyń laýreaty, Táýelsiz «Tarlan» syılyǵynyń, «Otan», «Qurmet» ordenderiniń ıegeri, «Qazaqstannyń Eńbek Eri» Asanáli ÁShIMOV,

Qazaqstannyń halyq ártisi, Memlekettik syılyqtyń laýreaty, «Mádenıet salasynyń úzdigi» tósbelgisiniń ıegeri Sábıt ORAZBAEV,

Qazaqstannyń halyq ártisteri Núketaı MYShBAEVA men Torǵyn TASYBEKOVA, 

teatr dırektory, Qazaqstannyń eńbek sińirgen qaıratkeri, «Daryn» memlekettik jastar syılyǵynyń laýreaty Sábıt ÁBDIHALYQOV, 

Qazaqstannyń eńbek sińirgen qaıratkeri Jalǵas TOLǴANBAI, 

Qazaqstannyń eńbek sińirgen qaıratkeri Azamat SATYBALDY,

Qazaqstannyń eńbek sińirgen qaıratkerleri Berik AITJANOV pen Erkebulan DAIYROV,

Qazaqstan Jastar odaǵy «Serper» syılyǵynyń laýreaty Aıan О́TEPBERGEN 

jáne barsha teatr ujymy

Sońǵy jańalyqtar

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Uqsas jańalyqtar