«Qazaqstannyń Tuńǵysh Prezıdenti N.Á. Nazarbaev aldaǵy 10 jyl elimizdi damyǵan 30 memlekettiń qataryna qosýdaǵy sheshýshi kezeń bolatynyn aıtty. Prezıdent Qasym-Jomart Toqaev negizgi basymdyq - turǵyndardyń ómir súrý deńgeıin kóterý jáne áleýmettik jaǵdaıyn jaqsartý ekenin atap kórsetti. Búgin biz damýdyń jańa kezeńine qadam bastyq. Otanymyzdyń elordasy endi zamanaýı Qazaqstannyń negizin qalaýshynyń esimimen atalatyn bolady. Prezıdenttiń bastamasymen bizdiń qala Nur-Sultan dep ózgertilmek. Bul bastama Uly dala elin qurý ıdeıasyn iske asyrǵany, elorda úshin etken eńbekteri úshin Tuńǵysh Prezıdentke alǵys bildirip, qurmet kórsetý maqsatynda iske asyrylýda», - dedi ákim.
Odan bólek Baqyt Sultanov elorda turǵyndary ózderin qalaı ataıtynyna da qatysy pikir bildirdi.
«Sonymen qatar biz, elorda turǵyndary - astanalyqtar bolyp qala beremiz. Bul qalyptasqan termın. Jańa dáýirdiń bastamasy bolǵan Naýryz meıramy ár otbasyna qýanysh pen gúldený alyp kelsin! Sizderge jáne jaqyndaryńyzǵa densaýlyq, baqyt jáne qut-bereke tileımin!» - dedi elorda basshysy.
