Sharaına

Sársenbi, 3 qazan 2012 7:25

Oppozısııanyń jeńisi kúmánsiz

Grýzııada ótken parlamenttik saılaýda Bıdzına Ivanıshvılıdiń «Grýzın armany» oppozısııalyq blogy jeńiske jetti. Sońǵy málimet boıynsha, ol el prezıdenti Mıhaıl Saakashvılıdiń «Birtutas ulttyq qozǵalys» partııasynan alshaqtyǵyn ulǵaıta túsken.

Sársenbi, 3 qazan 2012 7:25

Oppozısııanyń jeńisi kúmánsiz

Grýzııada ótken parlamenttik saılaýda Bıdzına Ivanıshvılıdiń «Grýzın armany» oppozısııalyq blogy jeńiske jetti. Sońǵy málimet boıynsha, ol el prezıdenti Mıhaıl Saakashvılıdiń «Birtutas ulttyq qozǵalys» partııasynan alshaqtyǵyn ulǵaıta túsken.

Grýzııa OSK-siniń derekterine súıen­sek, bıýlletenderdiń 11,1 pa­ıy­zy tek­se­ril­gennen keıin «Grýzın armany» 54,61 paıyz daýys jınasa, «Birtutas ulttyq qoz­ǵalys» par­tııasynyń kórsetkishi 38,14 paıyz bolǵan. Prezıdent partııa­sy­nyń jeńilisine eldegi túrmedegi jaǵdaılarǵa baılanysty janjaldar keri áser etken sekildi.

Koalısııanyń patrýlin jardy

Aýǵanstannyń soltústik-shyǵysyndaǵy Host qalasynda lańkes-jankeshti jasaǵan jarylystan kem degende 14 adam, onyń ishinde NATO-nyń 3 áskerı qyzmetshisi qaza tapty. Taǵy 40 adam túrli dene jaraqatyn alǵan.

Qaza tapqandardyń arasynda sondaı-aq 6 azamattyq tulǵa, 4 aýǵan polısııasynyń qyzmetkeri men 1 tilmash bar eken. Jarylys bazarǵa adamdar kóp jınalǵan sátte júzege asyrylǵan. Jan­kesh­tiniń kózdegeni Aýǵanstandaǵy halyqaralyq koalısııanyń patrýli bolǵan degen boljam aıtylýda.

Shekara buzdy dep aıyptady

Japonııanyń jaǵalaý kúzeti Shyǵys Qytaı teńizindegi talas týdyryp otyrǵan Senkaký araldary mańynda Qytaı korablderi teńiz shekarasyn buzdy dep aıyptady. Japon jaǵynyń aıtýynsha, seısenbige qaraǵan túni eldiń aýmaqtyq sýlaryna qytaılyq 4 kúzet korabli enip ketken.

Korablder araldarǵa jaqyn­da­ǵan sátte japondar olardyń talas týdyryp otyrǵan aýmaqtan ketýin talap etken. Qytaılyqtar baı­lanysqa shyǵýdan bas tartqanymen, kóp keshikpeı kemelerin keri burǵan. Bul Pekınniń atalǵan araldar shekarasyn sońǵy 2 aptanyń ishinde ekinshi ret buzýy bolyp tabylady.

Jalaǵa jaýapkershilik júrmeıdi

Ýkraınanyń Joǵarǵy radasy keshe buǵan deıin qabyldanǵan jala men ar-namysqa tıgeni úshin qylmystyq jaýapkershilik engizý týraly sheshimniń kúshin resmı túrde joıdy. Sóıtip, bıleýshi «О́ńirler partııasy» jasaǵan zań jobasy talqylaýdan alynyp tastaldy.

Qujat birinshi oqylymda qaralǵan kezde oǵan 349 depýtat qarsy daýys bergen eken. Al zań jobasyn jasaǵan toptyń jetekshisi Vıtalıı Jýravskııdiń aıtýynsha, bul naǵyz kerek zań bolatyn. О́ıtkeni, kez kelgen adam bireýge jala jaýyp nemese jaman sóz aıtpas buryn oılanyp alatyn edi. Endi kim-kim de zań aldynda jaýap beremin dep esh qoryqpastan, oıyna ne kelse sony aıta beretin bolady.

Memapparatty 30 paıyzǵa qysqartady

Belorýssııanyń memlekettik apparaty 25-30 paıyzǵa qysqaratyn bolady. Bul týraly el prezıdenti Aleksandr Lýkashenko málimdep otyr. Tómendegiler az, joǵarydaǵylar kóp, qajet emes qyzmetterdi joıyp, sonyń esebinen memqyzmetkerlerdiń eńbekaqysyn aıtarlyqtaı ulǵaıtýǵa bolady, dep túsindirdi óziniń sheshimin A.Lýkashenko.

Memlekettik apparatty ońtaı­lan­dyrý jumystarymen prezıdent ákimshiliginiń basshysy Andreı Kobıakovtyń jetekshiligindegi arnaıy komıssııa aınalyspaq. Komıs­sııaǵa sondaı-aq prezıdenttiń kó­mekshisi Natalıa Petkevıch te kiredi eken. Al qysqartýlardyń qashan jú­retini týraly naqty málimet joq.

Soqtyǵystan qaza tapqandar kóp

Gonkongta burnaǵy kúni keshkisin jolaýshylar paromdary soqtyǵysýy saldarynan kem degende 56 adam opat bolsa, 50-ge jýyǵy túrli dene jaraqattarymen aýrýhanaǵa jatqyzyldy. Oqıǵa Gonkongtaǵy Lamma araly aımaǵynda oryn aldy.

Atalǵan aýmaqta Qytaıdaǵy basty festıvalderdiń biri – Kúz ortasy merekesi atalyp ótip jatqan edi. Paromdar jolaýshylary dástúrli túrde sol kúni oryndalatyn otshashýlar shoýyn kórý úshin Vıktorııa gavanine bet alǵan bolatyn. Bortynda 120 jolaýshysy bar parom ekinshisimen soqtyǵysqan soń birden tuńǵıyqqa batqan. Ekinshisi kóp zaqym kelmegendikten, aman-esen jaǵalaýǵa jetken. Oqıǵa sebebi belgisiz.

Qysqa qaıyryp aıtqanda:

  Japonııanyń soltústik-shyǵys jaǵalaýlarynda magnıtýdasy 6,2 ballǵa teń jer silkinisi tirkeldi. Bul týraly AQSh-tyń geologııalyq qyzmetine silteme jasaı otyryp «Reıter» agent­tigi habarlady. Tabıǵat apatynyń saldary týraly eshteńe aıtylmaıdy.

  Kolýmbııa prezıdenti Hýan Manýel Santos keshe ózinen rak aý­rýy tabylǵany týraly jarııa etti. Endi aldaǵy aptada oǵan ota jasalatyn bolady. Santostyń aıtýynsha, isiktiń kólemi úlken emes jáne erte anyqtalǵandyqtan, tolyqtaı aıyǵý múmkindigi joǵary.

  Reseılik parashıýtshi Irına Sınısyna AQSh-ta óner kór­se­týi kezinde aıtarlyqtaı jaraqat alǵan edi. Ol Máskeýge jet­kizilgenimen, kóp uzamaı kóz jumdy. I.Sınısyna Kalıfornııada toptasyp sekirýden jańa álemdik rekord jańartpaqshy bolǵan kezinde birneshe moıyn omyrtqasyn syndyrǵan bolatyn.

Internet materıaldary negizinde ázirlendi.